سعودی دنیا میں سب سے زیادہ اونٹ رکھنے والا ملک ماڈل کیمل فارم، ماہانہ 5 لاکھ لٹر دودھ کی پیداوار
کے این واصف
سعودی عرب کا شمار دینا مین سب سے زیادہ اونٹ رکھنے کا اعزاز رکھنے کے باوجود مملکت میں اونٹ کا دودھ عوام میں بہت مقبول نہیں ہےلیکن اب سعودی عرب میں پبلک انویسٹمنٹ فنڈ کے تحت سوانی کمپنی جو کیمل ملک برانڈ “نوق” کی مالک ہے، نے ایک ماڈل فارم متعارف کرایا ہے۔
جرمن کمپنی “جی ای اے” کے تعاون سے یہ ماڈل فارم اور فیسلیٹی دنیا کا سب سے بڑا کیمل ملک پلانٹ ہے۔اخبار 24 کے مطابق سوانی میں ایگریکلچر اور کیملز سیکٹر کے سربراہ فوزان الماضی نے بتایا فارم میں 10 ہزار سے زیادہ اونٹ رکھنے کی گنجائش ہے جبکہ ماہانہ 5 لاکھ لٹر دودھ کی پیداوار کی صلاحیت ہے۔
یہ ماڈل فارم فوڈ سیفٹی اور جدید ٹیکنالوجی میں اعلی معیارات پر پورا اترنے کےلیے ڈیزائن کیا گیا ہے۔سوانی نے حال ہی میں لانگ لائف کیمل ملک مختلف سائز اور ذائقوں میں بھی متعارف کرایا ہے۔ یہ مصنوعات اب مقامی طور پر دستیاب ہیں بلکہ اعلی غذایت کے باعث بیرون مملکت بھی برآمد کی جاتی ہیں۔
وزارت ماحولیات، پانی و زراعت کے جاری کردہ اعدادوشمار کے مطابق سعودی عرب میں اونٹوں کی تعداد 2.2 ملین سے تجاوز کرچکی ہے, دنیا کے سب سے بڑے اونٹ رکھنے والے ممالک میں سے ایک ہے۔
