سعودی عرب کی انسانی ہمدردی – 173 ملکوں کو 141 ارب ڈالر سے زیادہ کی امداد
کے این واصف
مملکت سعودی عرب کو “مملکت خیر” کہا جاسکتا ہے۔ وہ دنیا میں ہر مستحق و ضرورت مند ملک کی مدد کرتاہے۔ عرب کی امدادی ایجنسی کنگ سلمان ہیومنٹیرین ایڈ اینڈ ریلیف سینٹر دنیا بھر میں اہم کردار ادا کر رہی ہے، مستحق، غریب اور ضرورت مند لوگوں کو مدد فراہم کر رہی ہے۔
تازہ فراہم اطلاع کے مطابق مملکت سعودی عرب نے اب تک 173 ممالک میں7 ہزار 983 پروجیکٹ مکمل کیے،141 ارب ڈالر سے زیادہ کی انسانی اور ترقیاتی امداد فراہم کی ہے۔یاد رہے کہ سعودی عرب میں ہرسال 19 اگست کو ورلڈ ہیومنٹیرین ڈے منایا جاتا ہے، جس کی ایک وسیع تاریخ ہے۔
مملکت کی خبر رساں ایجنسی “ایس پی اے” کے مطابق سعودی عرب کے وژن 2030 کے اہداف میں بین الاقوامی سطح پر ضرورت مند ممالک کو امداد فراہمی بھی شامل ہے۔ علاوہ ازیں ترقیاتی و فلاحی منصوبے بھی اس امداد کا حصہ ہیں جو انسانی خدمت کے طورپر انجام دیے جاتے ہیں۔
اس مستقل عزم نے دنیا کے سب سے بڑے عطیہ دینے والے ملکوں میں مملکت کی پوزیشن کو مضبوط کیا ہے۔کنگ سلمان ہیومنٹرین ایڈ این ریلیف سینٹر نے 13 مئی 2015 کو اپنے قیام کے بعد سے اب تک 108 ممالک میں 8.14 ارب ڈالر مالیت کے 3 ہزار612 منصوبے مکمل کیےجس سے لاکھوں مستحق اور ضروت مند افراد کو فائدہ پہنچا ہے۔
غزہ میں انسانی بحران کے خاتمے کےلیے سعودی امدادی ایجنسی نے فضائی اور بحری امدادی پل قائم کیے۔ ان کے ذریعے 7 ہزار 180 ٹن سے زیادہ امداد کے علاوہ 20 ایمبولینسں فراہم کیں۔
بین الاقوامی تنظیموں کے ساتھ 90.35 ملین ڈالر مالیت کے امدادی منصوبوں کےلیے معاہدوں پر دستخط کیے۔
