پاکستان پر ایران کا حملہ _ دو معصوم بچے جاں بحق، تین دیگر زخمی
Photo credit to Twitter
حیدرآباد _ 17 جنوری ( اردولیکس ڈیسک) ایران نے پاکستان پر دو میزائل داغے ہیں ایران سپاہ پاسداران انقلاب کا دعوی ہے کہ اس نے پاکستان کے اندر دہشت گرد گروپ جیش العدل کے ٹھکانوں کو نشانہ بنایا۔ میڈیا رپورٹس کے مطابق ایران نے حملے کے لئے ڈرونز اور میزائلوں کا استعمال کیا۔ ایران کا دعویٰ ہے کہ اس حملے میں کئی دہشت گرد مارے گئے ہیں۔
جبکہ پاکستان نے ان حملوں کی مذمت کرتے ہوئے کہا ہے کہ اس حملے میں دو بچے ہلاک اور تین لڑکیاں زخمی بھی ہوئی ہیں۔حملے کے بعد پاکستان نے ایران کے چیف ڈپلومیٹ کو طلب کیا اور فضائی حدود کی خلاف ورزی کی مذمت کی۔ پاکستانی وزارت خارجہ نے کہا کہ ہماری فضائی حدود کی خلاف ورزی کے سنگین نتائج ہو سکتے ہیں۔ پاکستان کے صوبے بلوچستان میں ضلع پنجگور کے سبزکوہ نامی گاؤں پر 10 گھنٹے کے وقفہ سے دو میزائل داغے گئے۔
میڈیا رپورٹس میں بتایا گیا ہے کہ جیش العدل کے دہشت گردوں نے سرحد کے قریب ایرانی فوج پر حملہ کیا تھا۔ جس کے جواب میں ایران نے یہ اقدام کیا ہے۔ منگل کو ایرانی میڈیا نے رپورٹ کیا کہ ایران کے پاسداران انقلاب نے جیش العدل کے ٹھکانوں پر فضائی حملے کرنے کا دعویٰ کیا ہے۔ پاکستان کی حملے کو روکنے یا کسی جوابی کاروائی کی تاحال کوئی اطلاع نہیں۔
پاکستان حملے کو کسی بھی صورت نظر انداز کرے گا تو یہ ایران کی بہت بڑی بھول ہے، پاکستان کی خودمختاری پر حملہ ایران کی طرف سے جارحیت کا کھلا ثبوت ہے،جسے چھپانے کے لئے جیش العدل کی جھوٹی اسٹیٹمنٹ کا سہارا لیا گیا،حقیقت میں بی ایل اے اور بی ایل ایف کے کیمپس ایران میں ہیں،کلبوشن بھی… pic.twitter.com/Dzl9kZbvAC
— Khurram Iqbal (@khurram143) January 17, 2024
یہ ہے بلوچستان میں وہ جگہ جہاں ایران نے ٹارگٹڈ حملہ کر میزائل داغے اور دو معصوم بچوں کو شہید جبکہ تین معصوم بچوں کو زخمی کیا 🤦🏻♂️
یہ نہ تو کوئی دہشتگردی کا اڈہ تھا اور نہ دہشتگردوں کا کوئی ہیڈ کوارٹر
ایران نے سویلین آبادی پر حملہ کر کے شرارت کی ہے
انشاءاللہ اب باری پاکستان کی ہے pic.twitter.com/o37sclulLO— Athar Saleem® (@AtharSaleem01) January 17, 2024
