نارائن پیٹ میں 5 ربیع الاول کو عظیم الشان جلسہ جشن عید میلاد النبی صلی ﷲ علیہ وسلم
نارائن پیٹ: 28 ستمبر (اردو لیکس) انتظامی کمیٹی مسجد عمر بن خطابؓ نارائن پیٹ کی اطلاع کے بموجب 29 اگست 5 ربیع الاول بروز جمعہ بعد نماز مغرب مسجد عمر بن خطابؓ’ شاتاواہانہ کالونی ، نارائن پیٹ میں عظیم الشان پیمانے پرجلسہ جشن عید میلاد النبی صلی ﷲ علیہ وسلم و جلسہ شہادت سیدنا امام حسن رضی اللّٰہ عنہ کا انعقاد عمل میں لایا جارہاہے. جس کی صدارت تقدس مآب حضرت سیدشاہ محمد غیاث الدین قادری صاحب سجادہ نشین بارگاہ تقی بابا رحمتہ ﷲ علیہ فرمائیں۔ جبکہ مہمان خصوصی کی حیثیت سے نجیب اہلسنت مقرر شعلہ بیاں حضرت العلامہ مولانا حافظ وقاری مفتی ڈاکٹر سید احمد غوری نقشبندی صاحب قبلہ نائب شیخ المعقولات جامعہ نظامیہ حیدرآباد شرکت فرمائیں گے۔ اس موقع پر مہمان مقرر کے علاوہ مقامی علماۓ کرام مولانا حافظ وقاری مفتی محمد شفاعت علی نظامی، مولانا حافظ وقاری محمد فاروق بن مخاشن نظامی کے بھی خطابات ہونگے. جلسہ کا آغاز حافظ محمد وسیم اکرم نظامی پیش و امام جامع مسجد کی قرات سے ہوگا اور حافظ محمد قتال حسینی حمد بارئ تعالی اور حافظ سید مصطفی قادری جانشین سجادہ بارگاہ تقی باباؒ نعت سنائیں گے۔ نظامت کے فرائض حافظ چاند پاشاہ لیکچرر انجام دیں گے۔ جلسہ کے اختتام پر نماز عشاء باجماعت ادا کی جائے گی اور تمام شرکائے جلسہ کے لیے طعام کا اہتمام رہیگا. انتظامی کمیٹی مسجد عمر بن خطابؓ نے عامة المسلمین سے کثیر تعداد میں شرکت کی گزارش کی ہے.
