تلنگانہ کے اردو صحافیوں کی دو روزہ تربیتی ورکشاپ میں شمولیت۔افتتاحی تقریب میں معزز مہمانوں کی شرکت

حیدرآباد: تلنگانہ اُردو ورکنگ جرنلسٹس فیڈریشن (TUWJF) نے میڈیا اکیڈمی آف تلنگانہ (TGMA) کے اشتراک سے صحافیوں کے لیے دو روزہ تربیتی پروگرام کا آغاز کیا۔اس افتتاحی اجلاس میں تلنگانہ کی 14 اضلاع سے تعلق رکھنے والے صحافیوں نے شرکت کی۔ اس تربیتی پروگرام کا مقصد صحافیوں کو جدید صحافتی مہارتوں سے آراستہ کرنا ہے۔

 

 

اس پروگرام کا افتتاح میڈیا اکیڈمی آف تلنگانہ کے چیئرمین کے۔ سرینواس ریڈی نے کیا۔ تلنگانہ اردو اکیڈمی کے چیئرمین طاہر بن حمدان بھی اس موقع پر موجود تھے، جنہوں نے ریاست میں اُردو صحافت کے فروغ کے لیے مشترکہ کاوشوں کو اجاگر کیا۔

 

اس موقع پر طاہر بن حمدان نے اعلان کیا کہ عنقریب اردو اکیڈمی کی جانب سے اُردو صحافیوں کو کمپیوٹر تقسیم کیے جائیں گے۔فیڈریشن کی قیادت صدر ایم۔ اے۔ ماجد اور جنرل سکریٹری سید غوث محی الدین نے کی، جنہوں نے پروگرام کے کامیاب آغاز کو یقینی بنایا۔

 

یہ تربیتی پروگرام کل یعنی 31 اگست 2025 کو اختتامی اجلاس کے ساتھ مکمل ہوگا۔