سعودی عرب میں ٹیکسی ڈرائیورز کے لئے متعین شرائط۔ ڈرائیورس، عارفین نوٹ فرمائیں
کے این واصف
سعودی عرب میں ٹیکسی چلانے استعمال کرنے والوں کی اکثریت غیر ملکیوں کی ہوتی ہے۔ مقامی میڈیا کے مطابق سعودی ٹرانسپورٹ جنرل اتھارٹی نے اندرون شہر اور ایئرپورٹس پر ٹیکسی سروس کے لیے نئے ضوابط جاری کیے ہیں۔ جس کا مقصد ٹیکسی سروس کے معیار کو بہتربنانا اور مسافروں کو سہولت فراہم کرنا ہے۔
اخبار 24 کے مطابق اتھارٹی نے ٹیکسیوں کے اندر اشتہاری سکرین لگائے جانے کے حوالے سے عوامی سروے کے بعد مشروط منظوری جاری جس کے مطابق اشتہاری سکرین ایسی جگہ نصب کی جائے جس سے ڈرائیور کی توجہ نہ بٹے اور مسافروں کو بھی دشواری کا سامنا نہ کرنا پڑے۔
نئے ضوابط کے مطابق جنرل اور ایئرپورٹ ٹیکسی کےلیے ’آپریشنل پرمٹ‘ حاصل کرنا ضروری ہوگا جس کے بغیر ٹیکسی سروس فراہم نہیں کی جاسکتی۔ پرمٹ کارآمد ہونا ضروری ہے۔آپریشنل پرمٹ کے اجرا کےلیے ضوابط کے مطابق جو گاڑی ٹیکسی کےلیے استعمال کی جائے وہ نئی ہو اور اس سے قبل مملکت میں اس کی رجسٹریشن نہ کی گئی ہو۔
گاڑی 5 برس سے زیادہ ٹیکسی کےلیے استعمال نہ کی جائے۔ ٹریفک پولیس کے ادارے میں گاڑی کی رجسٹریشن ٹیکسی کے طورپرہی کرائی گئی ہو۔ٹیکسی کے لیے گاڑی مقررہ معیار کے مطابق ہو علاوہ ازیں اس کا تھرڈ پارٹی بیمہ ہو جس میں مسافر بھی شامل ہوں۔ٹیکسی کے ڈرائیور کا پرمٹ جاری کرانے کےلیے ضروری ہے کہ اس کا ورک کارڈ پیشہ ورانہ
ڈرائیور کا ہو اور وہ مقررہ ضوابط پرپورا اترتا ہو۔ ڈرائیور کے پاس عوامی ڈرائیونگ لائسنس اور پیشہ ورانہ سرٹیفکیٹ ہونا بھی ضروری ہے۔
