اردو کے فروغ کے لئے اردو سے لگاو ضروری ہے انجمن محبان اردو کا شاندار مشاعرہ

حیدرآباد 28 ستمبر( اردو لیکس) انجمن محبان اردو اور بزم ظرافت کے زیر اہتمام اردو مسکن خلوت میں سنجیدہ و مزاحیہ مشاعرہ” اردو ہے جس کا نام” و “عابد علی خان محب اردو ایوارڈ”منعقد ہوا بارش کی موسمی پیش قیا سی اور اندیشوں کے باوجود محبان اردو کی بڑی تعداد نے شرکتِ کی بانی و صدر انجمن جناب سید مسکین احمد نے نگرانی کی اورمعزز مہمانان اور شعراکرام و سامعین کاخیر مقدم کیا اور بتایا کہ وہ چار دہوں سے مشاعرے منعقد کر رہے ہیں

 

 

ان مشاعروں کے انعقاد کا مقصد اردو کو زیادہ سے زیادہ فروغ دینا ہے انہوں نے اعلان کیا کہ وہ تاحیات اردو کے مشاعرے اور ادبی سرگرمیوں کے لیے اپنے اپ کو سرگرم رکھیں گے انہوں نے عوام بالخصوص خواتین پر زور دیا کہ وہ اپنے بچوں سے زیادہ سے زیادہ اردو زبان میں گفتگو کریں اور اردو کو زیادہ سے زیادہ پروان چڑھائیں اس جلسے کی صدارت ڈائریکٹر دائرۃ المعارف پروفیسر ایس اے شکور نے کی تقریب میں مہمانان خصوصی کی حیثیت سے جناب طارق انصاری صدر نشین تلنگانہ اقلیتی کمیشن، جناب رحیم اللہ خان نیازی سابق صدر نشین اردو اکیڈیمی ، جناب محمد قمر الدین سابق صدر

 

 

نشین اقلیتی کمیشن ،جناب ایم اے ماجد سابق رکن پریس کونسل آف انڈیا و ڈائریکٹر 4 ٹی وی, ، جناب خسرو نواب ممتاز صنعتکار، اور دوسروں نے شرکت کی اس موقع پر جناب سید مسکین احمد نے جناب فیاض نظام الدین انصاری ممبئی کو "عابد علی خان محب اردو ایوارڈ "سے سرفراز کیا سامعین کی بڑی تعداد نے تالیوں کی گونج میں اس ایوارڈ کاخیر مقدم کیا جناب انصاری کو منٹو پیش کیا گیا گل پوشی اور شال پوشی کی گئی ابتدا میں مشیر اعلی جناب شیخ نعیم نے کاروائی چلائی جناب صدر الدین شاہد اور اور جناب سید مزمل احمد نے خیر مقدم کیا مہمان خصوصی جناب طارق انصاری نے اس شعر”سلیقے سے جو ہواؤں میں خوشبو گھول سکتے ہیں”سے اپنے خطاب کا آغاز کیا اور کہا کہ اردو مشاعرے ہماری تہذیب و تمدن کا حصہ ہیں اردو مشاعرے ہماری تہذیب کو مضبوط کرتے ہیں انہوں نے اردو والوں کو مشورہ دیا کہ وہ اردو زبان کا زیادہ سے زیادہ استعمال کریں اور اردو کے فروغ کے لیے

 

 

اپنی ہر ممکن کوشش کریں اردو زبان سے لگاؤ ضروری ہے انہوں نے کہا کہ اردو کے فروغ کے لیے انجمن محبان اردو تلنگانہ و بزم ظرافت کے اس طرح کے پروگرام نہایت ہی پر مسرت ہیں اس سے نہ صرف اردو زبان اور تہذیب زندہ رہتی ہے بلکہ اردو والوں کو بھی بڑا حوصلہ ملتا ہے انہوں نے اس سلسلے میں صدر انجمن جناب سید مسکین احمد کی کوششوں اور کاوشوں کی ستائش کی اور کہا کہ جناب مسکین نے بڑی تعداد میں مقامی اور بیرونی شعرا کے کلام کو سنانے کا اہتمام کیا جس کے لیے وہ قابل مبارکباد ہیں بعد ازاں سنجیدہ و مزاحیہ مشاعرہ منعقد ہوا ممتاز و معروف بین الاقوامی شہرت یافتہ طنز و مزاح کے شاعر جناب لطیف الدین لطیف نے بڑی عمدگی سے کاروائی چلائی مہمان شاعر ڈاکٹر رفیق سوداگر نے اپنا کلام پیش کیا

 

 

 

کچھ ایسی پھر سیاست ہو رہی ہے

حکومت صرف نفرت بو رہی ہے

کوئی لمحہ نہیں خالی گناہ سے

زمیں بوجھ کیسے ڈھو رہی ہے

حامد بھسا ولی کو زیادہ پسند کیا گیا انہوں نے اپنا کلام سنایا

درد جگر زبان پر لانا پڑے گا کیا

پلکوں سے آنسوؤں کو گرانا پڑے گا کیا

تم تو میرے ہو تم تو کرو اعتبار

تم کو بھی زخم دکھانا پڑے گا کیا

ان کے یہ اشعار بھی بہت پسند کیے گئے

اسی ایک بات پر ان کے دلوں سے غم نہیں جاتے

قدم اٹھے ہوئے میرے کیوں تھم نہیں جاتے

امیر شہر کی دعوت ہوئی تو کیا ہوا صاحب

جہاں عزت نہیں ملتی وہاں پر ہم نہیں جاتے

ایک اور مہمان شاعر احمد فیض آبادی نے اپنا کلام سنایا

 

 

 

وہ مجھ کو چھوڑ کر غیروں کا سہارا بن گئے صاحب

جن کی جستجو میں ہم جنازہ بن گئے صاحب

ذرا سی داد کی خاطر آئے بلندی سے

تماشے کے لیے تم بھی تماشہ بن گئے صاحب

مقامی شعرا مخدوم ایوارڈ یافتہ شاعراستاد سخن ڈاکٹر فاروق شکیل ،ڈاکٹر معید جاوید سابق صدر شعبہ اردو جامعہ عثمانیہ، شاہد عدیلی ،صبحیہ تبسم، تجمل گلریز ،چچا پالموری، اطیب اعجاز،رفیعہ نوشین،نوید جعفری ،افتخار عابد،تقیہ غزل،انجنی کمار گویل،وحید پاشاہ قادری،لطیف الدین لطیف،خادم رسول عینی نے اپنا کلام سنایا لطیف الدین لطیف اور وحید پاشاہ قادری نے اپنے مزاحیہ کلام سے محفل کو زعفران زار کر دیا اس موقع پر جناب شیخ نعیم نے جناب سید مسکین احمد کی جانب سے اعلان کیا کہ ممتاز و معروف شعرا جناب سردار سلیم اور جناب وحید پاشاہ قادری کو عنقریب تہنیت پیش کی جائے گی دونوں شعراء کرام کے جشن کا متعاقب اعلان کیا جائے گا جناب سید مسکین احمد نے پروفیسر ایس اے شکور، جناب طارق انصاری

 

 

جناب قمر الدین ،خسرو نواب، جناب احمد فیض آبادی ، ڈاکٹر فاروق شکیل ،حامد بھساولی ،ڈاکٹر رفیق سوداگر، جناب رحیم اللہ خان نیازی کی گل پوشی کی جناب شیخ نعیم نے جناب سید مسکین کی گل پوشی کی جناب شیخ نعیم کے شکریہ پر مشاعرہ کا اختتام عمل میں آیا