سعودی عرب:اقامہ و ملازمت قوانین کی خلاف ورزی،سخت سزائیں، انتباہ 

کے این واصف

سعودی عرب میں اقامہ قوانین کی خلاف ورزی کا ایک لمبا ریکارڈ ہے۔ تفتیش، پکڑ دھکڑ اور سزاؤں کا سلسلہ جاری رہتا ہے۔ اس بتدریج کمی آرہی ہے مگر اس کا خاتمہ نہیں ہوتا۔ سعودی محکمہ پاسپورٹ نے ربیع الاول (1447) کے دوران انتظامی کمیٹیوں کے ذریعے اقامہ، ملازمت اور سرحدی امن قوانین کی خلاف ورزی پر 25 ہزار492 سے زیادہ فیصلے جاری کیے ہیں۔

 

 

خبر رساں ایجنسی “ایس پی اے” کے مطابق سعودی شہریوں اور مقیم غیرملکیوں کے خلاف مقررہ کارروائی کی گئی۔ خلاف ورزیوں پر قید، جرمانے اور بے دخلی کی سزائیں شامل ہیں۔محکمہ پاسپورٹ نے شہریوں اور مقیم غیرملکیوں سے پھر کہا کہ وہ اقامہ، ملازمت اور سرحدی امن قوانین کی خلاف ورزی کرنے والے کو ٹرانسپورٹ، روزگار، رہائش، پناہ، کسی بھی قسم کے تعاون یا پردہ پوشی سے گریز کریں۔

 

 

بیان میں اقامہ، ملازمت اور سرحدی امن قوانین کی خلاف ورزی کرنے والوں کے بارے میں اطلاع دینے اور تعاون کےلیے بھی کہا گیا۔یاد رہے اقامہ قوانین کی خلاف ورزی کرنے والوں کو روزگار اور ٹرانسپورٹ کی سہولت فراہم کرنا قانون شکنی ہے جبکہ ایسے افراد جو غیرقانونی طورپر سرحد عبور

 

 

کرکے مملکت میں داخل ہوتے ہیں ان کے ساتھ کسی بھی قسم کا تعاون کرنا سنگین خلاف ورزی میں شمار کیا جاتا ہے۔