حضرت شاہ آغا محمد قاسم صاحب قبلہ ابوالعلائی کا سانحہ ارتحال 

حیدرآباد ۔یہ اطلاع انتہائی افسوس کے ساتھ دی جاتی ہے کہ حضرت شاہ آغا محمد قاسم صاحب ابوالعلائی قبلہ سجادہ نشین درگاہ حضرت شاہ محمد حسن صاحب قبلہؒ ابوالعلائی آغاپورہ کا پیر 10 نومبر کی دوپہر انتقال ہوگیا۔

حضرت شاہ آغا محمد قاسم صاحب قبلہ ابوالعلائی گزشتہ چند دنوں سے خرابی صحت کے باعث دواخانہ میں زیر علاج تھے۔ حضرت شاہ آغا محمد قاسم صاحب ابوالعلائی بیرسٹر اسدالدین اویسی صدر کل ہند مجلس اتحاد المسلمین و رکن پارلیمنٹ حیدرآباد، جناب اکبرالدین اویسی قائد مجلس مقننہ پارٹی اور جناب برہان الدین اویسی ایڈیٹر ان چیف روزنامہ اعتماد کے حقیقی ماموں زاد بھائی تھے۔

حضرت کی رحلت کی اطلاع کے ساتھ ہی اہل دکن بالخصوص خانقاہی نظام سے وابستہ افراد میں رنج و الم کی لہر دوڑ گئی۔