الخیر سوسائٹی پٹن چیرو کا شاندار اعزازاتی پروگرام — ٹیلرنگ، مہندی ڈیزائننگ اور کمپیوٹر کورسز کی فارغین میں اسناد و انعامات کی تقسیم
الخیر سوسائٹی پٹن چیرو کے زیرِ اہتمام 24 نومبر 2025ء کو ٹیلرنگ، مہندی ڈیزائننگ اور کمپیوٹر ٹریننگ کورسز کی فارغین میں اسناد اور انعامات کی تقسیم کا ایک پُروقار پروگرام منعقد ہوا۔
پروگرام کا آغاز محترم جناب عبدالرزاق صاحب کی دلنشین تلاوتِ قرآن مجید سے ہوا۔
افتتاحی کلمات میں امیر مقامی جماعت اسلامی ہند، پٹن چیرو محترم میر حمزہ علی صاحب نے فارغین کو نصیحت کی کہ وہ اپنی حاصل کردہ مہارتوں کو ضائع نہ کریں بلکہ انہیں دوسروں تک منتقل کرکے معاشرے میں فائدہ پہنچائیں۔
سکریٹری الخیر سوسائٹی جناب سید رشیدالدین صاحب نے ادارے کی سرگرمیوں کی تفصیل پیش کرتے ہوئے کہا کہ الخیر سوسائٹی خدمتِ خلق کے جذبے کے تحت بلا تفریقِ مذہب و ملت کام کرتی ہے، اور اس کا بنیادی مقصد خواتین کو بااختیار اور خود کفیل بنانا ہے۔
اسلامک سوشل سروِس سوسائٹی کے آفس مینیجر جناب محمد عمران صاحب نے سوسائٹی کے تحت جاری مختلف امدادی و فلاحی پروگراموں کا ذکر کیا اور حاضرین کو ان سہولیات سے فائدہ اٹھانے کی تلقین کی۔
اس موقع پر سکریٹری ادارہ جات محترم سید عبدالقادر ناصر صاحب نے کہا کہ آپ نے جو مہارتیں حاصل کی ہیں وہ معمولی نہیں، یہی ہنر آپ کو خود مختار اور باوقار زندگی گزارنے میں مدد دے سکتے ہیں۔ ساتھ ہی انہوں نے کہا کہ آپ نمازوں کی پابندی کیجئے اور قرآن مجید سیکھنے اور سیکھانے کا اہتمام کریں ۔۔
اپنے اختتامی خطاب میں
جماعت اسلامی ہند، شہر حیدرآباد کے سٹی سکریٹری محترم مرزا محمد اعظم علی بیگ صاحب نے فارغین کو مشورہ دیا کہ وہ اپنے ساتھیوں کے ساتھ حسن سلوک اور ہمدردی کے ساتھ پیش آییں اور انکے حقوق ادا کریں اسلام نے اپنے عارضی پڑوسیوں کے حقوق کی ادائیگی کی تاکید کی ہے اپنے سیکھے ہوئے ہنر کو عملی زندگی میں زندہ رکھیں اور اسلامی اخلاقیات کا عملی نمونہ بنیں تاکہ ہم ایک اچھے معاشرے کے تشکیل کر سکیں ۔
اس موقع پرالخیر سوسائٹی کے زمہ دارن اورمقامی ناظمہ محترمہ رضیہ صاحبہ،ٹیچرس اورانسٹرکٹرس کےعلاؤہ بڑی تعداد میں خواتین اور طالبات موجود رہیں۔
پروگرام کا اختتام دعائیہ کلمات پر ہوا، جس میں ادارے کی ترقی، فارغین کے روشن مستقبل اور سماج میں خیر و بھلائی کے فروغ کی دعا کی گئی۔
