جناب اشفاق راشد صاحب کے والد محترم جناب الیاس فاروقی صاحب شبنم کا انتقال 

حیدرآباد 27 نومبر (اردو لیکس) ممتاز شاعر و ادیب اور استاد جناب الیاس فاروقی صاحب المعروف الیاس فاروقی شبنم ریٹائرڈ ہیڈ ماسٹر گورنمنٹ اپر پرائمری اسکول دریچہ ماتا( چار مینار منڈل)ولد جناب محمد ابراہیم صاحب مرحوم ریٹائرڈ ہیڈ ماسٹر ساکن صالحین کالونی انصاری روڈ نواب صاحب کنٹہ کا 27 نومبر کو انتقال ہو گیا

 

 

نماز جنازہ آج ہی بعد نماز مغرب جامع مسجد زہرہ محبوب( لیگاسی پیلس شادی خانہ کے آگے ایمپائر فنکشن ہال کے بازو تاڑبن)میں ادا کی جائے گی قبرستان احاطہ تکیہ شمس الدین صاحب رحمت اللہ علیہ بیگم بازار میں عمل میں آئے گی جناب محمد الیاس فاروقی صاحب جنوری1997ء میں وظیفہ حسن خدمت پر سبکدوش ہوئے تھے منکسر المزاجی اور نرم دم گفتگو کے سبب وہ اساتذہ اور طلبہ برادری میں کافی احترام کی نظر سے دیکھے جاتے تھے

 

 

ان کے سینکڑوں شاگرد ملک و بیرون ملک پائے جاتے ہیںDSC امیدواروں کے لیے خانگی طور پر کوچنگ کے آغاز کرنے کا سہرا انہی کے سر جاتا ہے موصوف کی کوچنگ سے سینکڑوں امیدواروں نے شیخ فیض کمان یا قوت پورہ میں نہ صرف استفادہ کیا بلکہ سرکاری ملازمتیں بھی حاصل کیں اس سلسلے میں انہوں نے دو کتابیں بنام "چراغ منزل "اور "چراغ راہ "تحریر کی تھیں اس کے علاوہ بی ایڈ اردو میڈیم امیدواروں کے لیے بھی اردو میں بڑے پیمانے پر نوٹس فراہم کیے تھے جو اپنی مثال آپ ہیں اس کے علاوہ اساتذہ کو ہیڈ ماسٹر کے عہدے پر ترقی کے لیے دیے جانے والے امتحان پروفیشنل ایڈوانسمنٹ ٹسٹ کے سلسلے میں بھی ایک کتاب تحریر کی تھی جو امیدواروں کے لیے بے حد مفید ثابت ہوئی

 

 

پسماندگان میں چار فرزندان جناب محمد یونس خالد حال مقیم کویت،جناب محمد اشفاق راشد ہیڈ ماسٹر گورنمنٹ پرائمری اسکول جہاں نما( بہادرپورہ منڈل1), جناب محمد اقبال شاہد جونیئر اسسٹنٹ گورنمنٹ ہائی اسکول سٹی لاڑ بازار،جناب محمد افضال جاوید بزنس اور تین دختران شامل ہیں فاتحہ سیوم 28 نومبر جمعہ کو بعد نماز عصر جامع مسجد زہرہ محبوب میں مقرر ہے مزید تفصیلات کے لیے جناب اشفاق راشد کے

 

 

فون9848637337 پریا8801225785 پر رابطہ کیا جا سکتا ہے