ایجوکیشن

ملت ٹیلنٹ سرچ ایگزام 2026 ، ملک بھر میں 205 مراکز میں پر انعقاد، 10,805 طالب علم رجسٹرڈ 

حیدرآباد۔ 28 نومبر (پریس ریلیز)ملّت فاؤنڈیشن فار ایجوکیشن، ریسرچ اینڈ ڈیولپمنٹ (MFERD) ملک بھر میں دسویں جماعت کے طلبہ و طالبات کے لیے منعقد کیے جانے والے قومی سطح کے امتحان ملّت ٹیلنٹ سرچ امتحان 2026 (MTSE 2026) کے انعقاد کے لیے پوری طرح تیار ہے۔ یہ امتحان ملت کے ہونہار اور باصلاحیت طلبہ کو آگے بڑھنے، ان کی قابلیت سنوارنے اور مسابقتی امتحانات میں نمایاں مقام حاصل کرنے کا ایک بڑا موقع فراہم کرتا ہے۔

 

 

اس سال، MTSE 2026 کے لیے 24 ریاستوں کے 205 امتحانی مراکز مقرر کیے گئے ہیں، جو اس امتحان کی ملک گیر مقبولیت اور مؤثریت کی روشن علامت ہیں۔ اب تک 10,805 طلبہ اس امتحان کے لیے رجسٹر کر چکے ہیں، جو ملت میں تعلیم کے بڑھتے جذبے اور روشن مستقبل کے لیے کوششوں کی دلیل ہے۔

 

 

امتحان 30 نومبر 2025 بروز اتوار کو منعقد ہوگا، وقت صبح 10 بجے سے دوپہرایک بجے تک ہوگا۔ امتحان آف لائن موڈ میں لیا جائے گا تاکہ طلبہ کو حقیقی امتحانی ماحول کا تجربہ حاصل ہو۔ مزید سہولت کے لیے MFERD نے تمام رجسٹرڈ طلبہ تک ایڈمٹ کارڈ / ہال ٹکٹس پہنچانے کے خصوصی انتظامات بھی مکمل کر لیے ہیں۔تلنگانہ میں اس امتحان کے 42 مراکز قائم کیے گئے ہیں، جن میں سے 22 مراکز صرف حیدرآباد میں ہیں۔

 

 

MTSE کے ذریعے منتخب ہونے والے طلبہ کو 10+2 / انٹرمیڈیٹ کے ساتھ NEET، IIT-JEE مینز/ایڈوانسڈ، CA فاؤنڈیشن، CLAT، اور NDA کی اعلیٰ سطح کی کوچنگ فراہم کی جائے گی۔ ملک کے ممتاز تعلیمی اداروں انیس ڈیفنس کیریئر انسٹی ٹیوٹ ، پونے، الامین میٹرکولیشن ہائر سیکنڈری اسکول، کمباکونم، تمل ناڈو، ہدا پری یونیورسٹی کالج، میسور، کرناٹک،اسکالر کیریئر اکیڈمی، احمد آباد، گجرات میں داخلے دیے جائیں گے جن میں ایم

 

 

ایس ایجوکیشن اکیڈیمی بھی اہم شراکت دار کے طور پر شامل ہے۔ منتخب طلبہ ایم ایس جونئرکالجس میں داخلہ لے کر اپنی خوابوں کی اُڑان شروع کر سکتے ہیں۔

متعلقہ خبریں

Back to top button