جنرل نیوز

 انجمنِ قادریہ کی 63 ویں دینی تعلیمی ریالی 30 نومبر کو مکہ مسجد سے — 15 ہزار طلبہ و طالبات کی شاندار شرکت متوقع

انجمنِ قادریہ کی 63 ویں دینی تعلیمی ریالی 30 نومبر کو مکہ مسجد سے — 15 ہزار طلبہ و طالبات کی شاندار شرکت متوقع

*غازیء اہلسنت حضرت مولانا سید غلام صمدانی المعروف علی قادری صدر انجمن قادریہ نے کل رآت قادری خانقاہ واصف منشن قاضی پورہ میں پرہجوم پریس کانفرنس سے خطاب کرتے ہوئے کہاکہ انجمن قادریہ کی جانب سے الحمدللہ دینی مقابلہ جات جو ہائ اسکولس و کالجیس میں دینی طالبات کے لئے شعور بیداری کے تحت رکھے گئے جو پچھلے چھ دہوں سے زائد عرصہ سے منعقد کئے جارہے ہیں کا آج اختتام عمل میں آیا ،

 

ان شآءاللہ عزوجل 30 نومبر بروز اتوار ٹھیک 10 بجے دن تاریخی مکہ مسجد سے 63 ویں دینی تعلمیی ریالی کا حضرت مولانا الحاج سید شاہ محمود صفی اللہ حسینی قادری المعروف وقار پاشاہ ہری جھنڈی دکھاکر آغاز کرینگے یہ ریالی گلزار حوض ،پتھر گٹی ، مدینہ سرکل ، ہائ کورٹ سے ہوتے ہوئے قلی قطب شاہ اسٹیڈیم پہنچکر جلسہء عام میں تبدیل ہوجائے گی،جسکی صدارت صدر انجمن قادریہ کرینگے- جبکہ نگرانی نقیب ملت بیرسٹر الحاج اسدالدین اویسی حفظہ اللہ رکن پارلیمان حیدرآباد دکن و صدر کل ہند مجلس اتحاد المسلمین کرینگے – مہمانان خصوصی مفکراسلام زین الفقہاء حضرت علامہ مفتی الحاج محمد خلیل احمد صاحب قبلہ قادری امیر جامعہ جامعہ نظامیہ ورکن تأسیسی کل ہند مسلم پرسنل لاء بورڈ، حضرت مولانا سید شاہ وقار پاشاہ ،حضرت مولانا الحاج ڈاکٹر محمد سیف اللہ قادری شیخ الجامعہ جامعہ نظامیہ ودیگر علمائے کرام و مشائخ عظام مہمانان خصوصی ہونگے-

 

انہوں نے یہ بھی کہاکہ انجمن کا قیام حضرت سید محمد قادریؒ نے آج سے تقریبا 74 برس قبل انجمن قادریہ کی بناء تقویٰ و توکل کی اساس پر رکھی تھی اس وقت دینی و روحانی ماحول تھا الحمدللہ ملت اسلامیہ کی دینی و روحانی تربیت کے لئے نوخیز نسل انسانی کو اس وقت ہی سے آنے والے مستقبل کی ملت اسلامیہ کی دین بیزاری و دین سے دوری کا اندازہ لگاتے ہوئے ہم پر انجمن تشکیل دے کر احسان عظیم فرمایا،حضرت سید محمد قادریؒ قطب حیدرآباد حضرت سید یحیٰ پاشاہ قادریؒ سرکار کے شاہ زادہ تھے انہوں نے جب کام کا آغاز فرمایا تو سارے ملک کے گھر گھر تک دینی تعلیم پہنچانا ضروری سمجھا ،

 

مولانا علی قادری نے اس امر پر تأسف کا اظہار کرتے ہوئے کہاکہ موجوہ دور دین سے دوری حاصل کر رہاہے ،مولانا علی قادری نے انجمن کی تاریخی ریالی و دینی مقابلوں کے لئے ہم کسی بھی طرح کا چندہ نہیں کرتے اور نا ہی رسید لے کر نکلتے ہیں الحمد للہ صدر استقبالیہ و ارکان کے محدود عطیات سے جملہ انتظامات مکمل کئے جاتے ہیں-حضرت مولانا سید قطب حسینی الفاطمی جنرل سیکریٹری انجمن قادریہ نے پریس کانفرنس کا آغاز کرتے ہوئے انجمن کے اغراض و مقاصد بیان کرتے ہوئے کہاکہ آنے والے سال انجمن کے پچہیتر سال ہونگے

 

، امسال انجمن کی 63 ویں سالانہ دینی تعلیمی ریالی ہوگی- 2 / نومبر سے دینی مقابلوں کا آغاز ہوکر آج مقابلوں کا اختتام عمل میں آیا، الحمدللہ 30 /نومبر اتوار کو تاریخی مکہ مسجد سے 63 ویں سالانہ دینی تعلیمی ریالی کا کامیاب انعقاد عمل میں آرہا ہے جس میں دینی مدارس ،اسکولس اور کالجوں کے 15000 طلباء و طالبات حصہ لے رہے ہیں جن کی آمد ورفت کے لئے ہماری جان سے گاڑیوں کے اخراجات بھی دیئے جارہے ہیں اگر جو بھی اسکولس کے طلباء و طالبات آنا چاہتے ہیں تو وہ مرکزی دفتر انجمن قاضی پورہ سے اپنے کرایہ جات حاصل کرلیں تو آسانی ہوگی

 

-انہوں نے یہ بھی کہاکہ حضرت سید محمد حسینی قادریؒ اس انجمن کے بانی تھے جنہوں نے اس انجمن کے ذریعہ ملت اسلامیہ کی دینی و روحانی تربیت فرمائی میڈیا نمائندوں سے بات چیت کرتے ہوئے بھارت سیوارتن ایوارڈ یافتہ اسدالعلماء تنویر صحافت مولانا محمد محسن پاشاہ انصاری قادری نقشبندی مجددی مولوی کامل الحدیث جامعہ نظامیہ و جنرل سیکریٹری کُل ہند سنی علماء مشائخ بورڈ محبوب نگر،برادر سجادہ نشین بارگاہ جلالیؓہ گوگی شریف کرناٹک حضرت مولانا مفتی سید شاہ چندا حسینی مولوی کامل الفقہ جامعہ نظامیہ، جناب سید غلام محمد واثق قادری ،مولانا سید منیب الدین قادری و دیگر حضرات نے بھی عامۃ المسلمین سے 30 / نومبر بروز اتوار صبح 10 بجے 63 ویں دینی تعلیمی ریالی میں شرکت کرتے ہوئے کامیاب بنانے کی دردمندانہ اپیل بھی کی – -*

متعلقہ خبریں

Back to top button