نظام آباد کے ڈیویثزن 25 کوٹ گلی میں مسلم بیواہ ضعیف خاتون کا مکان آگ کی لپیٹ میں مکمّل ساز و سامان جل کر خاکستر – مجلس کی مالی امداد
نظام آباد کے ڈیویثزن 25 کوٹ گلی میں مسلم بیواہ ضعیف خاتون کا مکان آگ کی لپیٹ میں مکمّل ساز و سامان جل کر خاکستر.
بیرسٹر اسد الدین اویسی کی ہدایت پر مجلس قائدین کا بروقت دورہ، مالی امداد و متعلقہ حکام سے ممکنہ اقدامات کا مطالبہ،
نظام آباد، 29/نومبر (اردو لیکس) ایک بہت ہی افسوسناک واقعہ میں شہر نظام آباد کے ڈیویثزن( 25 )کوٹ گلی علاقے میں ایک مسلم غریب ضعیف بیواہ خاتون کا مکان شارٹ سرکٹ کی وجہ سے آگ کی لپیٹ میں آگیا اور گھر کا مکمل ساز و سامان مکمل طور پر جل کر خاکستر ہوگیا،
اس بات کی اطلاع ملتے ہی صدر مجلس اتحادلمسلمین و رکن پارلیمان حیدرآباد بیرسٹر اسد الدین اویسی کی ہدایت پر نظام آباد مجلس قائدین نے مقام واقعہ پنچ کر جلے ہوئے مکان کی متاثرہ ضعیف بیواہ خاتون سیدہ زاہدہ بیگم سے ملاقات کرتے ہوئے تفصیلات حاصل کی، تفصیلات کے مطابق سیدہ زاہدہ بیگم کے دو لڑکے تھے جنکا انتقال ہو چکا ہے، محنت مزدوری کرتے ہوئے اپنی پوتری سیدہ رخصار عمر 10 سال کے ہمراہ ایک چھوٹے سے کرایہ کے مکان میں اپنا گزر بسر کررہی ہیں،
کل وہ اپنی پوتری کے ہمراہ کسی شادی کی تقریب میں جانے کے بعد محلہ کے افراد نے انکے مکان کو آگ لگنے کی اطلاع دی مکان میں موجود 2 لاکھ 80 ہزار روپے نقد رقم 1 تولہ سونا اور 5 تولہ چاندی کے علاوہ گھر کا تمام ساز و سامان یہاں تک کہ راشن بھی آگ کی زد میں آکر مکمل تباہ ہو گیا، انتہائی خم غین بیواہ خاتون اور انکی پوتری کی حالت زار اور آگ کی زد میں آیے مکان کی تباہ حالت کا جائزہ لینے کے بعد نظام آباد مجلس قائدین وفد کی جانب سے مالی مدد کی گئی اور محکمہ ریونیو کے عہدیداروں ایم آر او سے بات کرتے ہوئے واقعہ کا پنچنامہ کرکے ضلع کلکٹر کو تفصیلی رپورٹ پیش کرنے پر زور دیا گیا تاکہ ریاستی حکومت کی جانب سے غریب بیواہ خاتون کو مدد ممکن ہوسکے اور انشاءاللہ مجلس کی جانب سے ضلع کلکٹر سے ملاقات کرتے ہوئے تفصیلی تحریری نمائندگی بھی کی جائے گی
علاوہ ازیں th4 ٹاون پولیس اسٹیشن کے عہدیداروں سے بات کرتے ہوئے اس افسوسناک واقعہ کی جامع تحقیقات کرتے ہوئے ایف آئی آر درج کرنے پر زور دیا، غریب بیواہ خاتون سیدہ زاہدہ بیگم نے مجلس کی جانب سے بروقت انکے گھر پہنچ کر حالات کا جائزہ لینے اور مالی مدد کرنے پر صدر کل ہند مجلس اتحادلمسلمین و رکن پارلیمان حیدرآباد بیرسٹر اسد الدین اویسی ،اور نظام آباد مجلسی قائدین وفد کا شکریہ ادا کیا ہے،
اس موقع پر ٹاون صدر مجلس شکیل احمد فاضل ،ضلع صدر محمد فیاض الدین، جنرل سیکرٹری شہباز احمد، جوائنٹ سیکرٹری و سینئر کارپوریٹر اعجاز حسین، سابقہ کارپوریٹرس ریاض احمد, عبدالسلیم عبدالعلی، ارشد پاشاہ کےعلاوہ خلیل احمد, لطیف، امر فاروق، محمد حاجی موجود تھے
