وویکا نند ہائی اسکول نظام آباد میں وندے ماترم گایا گیا  نظام آباد اربن ایم ایل اے دھن پال سوریہ نارائنا کی شرکت

وویکا نند ہائی اسکول نظام آباد میں وندے ماترم گایا گیا

نظام آباد اربن ایم ایل اے دھن پال سوریہ نارائنا کی شرکت

نظام آباد: 29/ نومبر(نیوز اینڈ ویوز میڈیا سرویس) ہندوستانی قومی گیت وندے ماترم کی 150 ویں سالگرہ کے موقع پر آج وویکا ہائی اسکول کنٹیشور نظام آباد میں وندے ماترم کا اجتماعی گانا گایا گیا۔

اس موقع پر مہمان خصوصی کی حیثیت سے دھن پال سوریہ نارائنا ایم ایل اے نظام آباد اربن نے شرکت کی۔ انہوں نے اس تقریب سے خطاب کرتے ہوئے کہا کہ بنک چندر چٹرجی کی یاد میں مرکزی حکومت نے نوجوانوں میں حب الوطنی کا جذبہ پیدا کرنے کیلئے ملک بھر میں وندے ماترم کی 150 سالہ تقاریبات منعقد کرنے کا فیصلہ کیا ہے۔

انہوں نے کہا کہ انقلابیوں نے آزادی کی جدوجہد میں انگریزوں کیخلاف وندے ماترم گیت سے متاثر ہوکر لڑا۔ انہوں نے اسکول کے طلباء سے خواہش ظاہر کی کہ وہ محنت سے تعلیم حاصل کریں اور اعلیٰ عہدہ پر فائز ہوں۔ اس موقع پر ساؤتھ ایم ای او سائی ریڈی، اسکول پرنسپل،بی جے پی کنٹیشور منڈل پریسڈنٹ آنند راؤ، میکا سائی پلی ایم پون، بی جے پی منڈل پریسیڈنٹ ببلو سنگھ، سنتوش و دیگر موجود تھے۔