ضلع کلکٹر نظام آباد نے کلکٹریٹ میں میڈیا سنٹر اور ایم سی ایم سی کا افتتاح انجام دیا
ضلع کلکٹر نظام آباد نے کلکٹریٹ میں میڈیا سنٹر اور ایم سی ایم سی کا افتتاح انجام دیا
نظام آباد: 29/ نومبر(نیوز اینڈ ویوز میڈیا سرویس) ڈسٹرکٹ الیکشن آفیسر اور کلکٹر ٹی ونئے کرشنا ریڈی نے انٹگریٹیڈ ڈسٹرکٹ آفسز کمپلیکس (کلکٹریٹ)نظام آباد کے روم نمبر 30 میں قائم میڈیا سنٹر اور میڈیا سرٹیفیکیشن اینڈ مانیٹرنگ سیل (MCMC) کا افتتاح انجام دیا۔ انہوں نے ذرائع ابلاغ کیلئے دستیاب سہولیات اور ایم سی ایم سی کے فرائض کی انجام دہی کے انتظامات کا معائنہ کیا۔
اس موقع پر ضلع کلکٹر ٹی ونئے کرشنا ریڈی نے گفتگو کرتے ہوئے کہا کہ گرام پنچایت انتخابات سے متعلق معلومات پرنٹ اور الیکٹرانک میڈیا کو میڈیا سنٹر کے ذریعہ وقتاً فوقتاً فراہم کی جائیں۔ انہوں نے کہا کہ ریاستی الیکشن کمیشن کی ہدایت کے مطابق ضلعی سطح پر میڈیا سرٹیفیکیشن اینڈ مانیٹرنگ سیل قائم کیا گیا ہے۔ انہوں نے کہا کہ ایم سی ایم سی سیل کو پیڈ نیوز کی نشاندہی کرنی چاہیے
اور مہم کے اشتہارات کے لیے بروقت منظوری دینی چاہیے۔ انہوں نے کہا کہ سوشل میڈیا پر پوسٹس کی نگرانی کی جائے اور انتخابی ضابطہ اخلاق کی خلاف ورزی کرنے والی پوسٹوں کے خلاف قانون کے مطابق کارروائی کی جائے گی۔
کلکٹر نے میڈیا سے کہا کہ وہ انتخابات کو شفاف اور غیر جانبدارانہ طریقے سے کرانے میں تعاون کریں۔اس موقع پر اڈیشنل کلکٹر لوکل باڈی انکت کے علاوہ ڈی پی آر او آفس سینئر اسسٹنٹ ایم اے ماجد، محمد جاوید پاشاہ کے علاوہ دیگر موجود تھے۔
