عادل آباد میں پنچایت انتخابات پُرامن اختتام — مجموعی پولنگ 75.25٪، سریکونڈہ سب سے آگے

عادل آباد میں پنچایت انتخابات پُرامن اختتام — مجموعی پولنگ 75.25٪، سریکونڈہ سب سے آگے

 

عادل آباد، 11 دسمبر: (اردو لیکس) عادل آباد ضلع میں پنچایت انتخابات کا عمل مکمل طور پر پُرامن ماحول میں پایۂ تکمیل کو پہنچا۔ ضلع کلکٹر و ڈسٹرکٹ الیکشن اتھارٹی کی جانب سے جاری حتمی رپورٹ کے مطابق ضلع میں مجموعی پولنگ 75.25 فیصد ریکارڈ کی گئی، جسے ماہرین عوامی سیاسی شعور کی مضبوط علامت قرار دے رہے ہیں۔

ضلع میں کل ووٹرز کی تعداد 1,52,626 ہے، جن میں 75,043 مرد، 77,572 خواتین اور 11 دیگر ووٹرز شامل ہیں۔ پولنگ کے اختتامی شمار کے مطابق 1,14,847 ووٹ برسٹ کیے گئے، جن میں 57,274 مردوں، 57,570 خواتین اور دیگر 3 ووٹرز کے ووٹ شامل ہیں۔

رپورٹ کے مطابق مختلف منڈلوں میں پولنگ کی شرح اس طرح رہی:

ایچوڑہ: 26,565 ووٹ — 80.1٪

گادی گوڑہ: 10,715 ووٹ — 82.25٪

انڈراویلّی: 19,846 ووٹ — 66.94٪

نار نور: 15,643 ووٹ — 80.8٪

سریکونڈہ: 8,364 ووٹ — 86.77٪

اُٹنور: 33,714 ووٹ — 70.55٪

ضلع میں سریکونڈہ منڈل نے سب سے زیادہ 86.77 فیصد پولنگ کے ساتھ غیر معمولی ٹرن آؤٹ درج کرایا، جب کہ انڈراویلّی میں سب سے کم 66.94 فیصد ووٹنگ ریکارڈ ہوئی۔ ایچوڑہ، گادی گوڑہ اور نارنور منڈلوں میں ٹرن آؤٹ 80 فیصد سے زائد رہا، جو قابلِ ذکر ہے۔

پولنگ کے دوران حساس اور انتہائی حساس مراکز پر سخت سیکورٹی انتظامات کیے گئے۔ ویب کاسٹنگ، کنٹرول روم اور مانیٹرنگ ٹیموں نے دن بھر پولنگ کے عمل کی نگرانی کی۔ مجموعی طور پر پورا ضلع پُرامن ماحول میں ووٹنگ کا گواہ بنا۔