سودی عرب – بارش کے باعث ریاض سمیت کئی علاقوں میں پیر کو اسکول بند

ریاض ۔ کے این واصف 

 سعودی دارالحکومت ریاض میں مسلسل بارش کی وجہ سے آج (پیر) تعلیمی ادارے بند کردئیے کئے۔ مملکت کے قومی مرکز برائے موسمیات کے ترجمان نے کہا ہے کہ مملکت میں سردی کی پہلی لہر اس ہفتے کے آخر تک متوقع ہے جو کئی علاقوں کو متاثر کرے گی۔

سعودی پریس ایجنسی “ایس پی اے” کے مطابق حسین القحطانی نے کہا کہ اتوار کو شروع ہونے والے بارش کے سلسلے کے بعد شمالی علاقوں میں درجہ حرارت صفر ڈگری سینٹی گریڈ تک پہنچ سکتا ہے۔ اس سے قبل موسمیات کے قومی مرکز نے مکہ، مدینہ، الجوف، قصیم، اور حائل ریجن سمیت کئی علاقوں میں اتوار سے جمعرات تک گرج چمک کے ساتھ بارش کا سلسلہ جاری رہنے کا امکان ظاہر کیا تھا۔

سعودی جنرل ڈائریکٹوریٹ آف سول ڈیفنس نے بارش کا الرٹ جاری کرتے ہوئے شہریوں کو احتیاطی تدابیر کے ساتھ خود کو محفوظ مقامات تک محدود رکھنے کا مشورہ دیا ہے۔