اُردو صحافیوں کو درپیش دیرینہ مسائل کی یکسُوئی کو یقینی بنایا جائے، تلنگانہ اردو ورکنگ جرنلسٹس فیڈریشن کے وفد کی فہیم قریشی سے ملاقات۔

اُردو صحافیوں کو درپیش دیرینہ مسائل کی یکسُوئی کو یقینی بنایا جائے، تلنگانہ اردو ورکنگ جرنلسٹس فیڈریشن کے وفد کی فہیم قریشی سے ملاقات۔

 

تلنگانہ اردو ورکنگ جرنلسٹس فیڈریشن کے ایک وفد نے ریاستی صدر ایم اے ماجد کی نگرانی میں وائس چیرمین و پریسیڈنٹ ٹمریز محمد فہیم قریشی سے ملاقات کی اور اُردو صحافیوں کو درپیش دیرینہ مسائل کی یکسُوئی کے سلسلے میں نمائندگی کی۔ اس وفد میں سید غوث محی الدین جنرل سکریٹری تلنگانہ اردو ورکنگ جرنلسٹس فیڈریشن کے علاوہ دیگر اہم عہدیدار بھی موجود تھے

 

۔ وفد نے بتایا کہ جی او نمبر 252 اردو صحافیوں کے لیے نہ صرف نقصان دہ ہے بلکہ سابقہ جی او 239 سے زیادہ ناانصافی پر مبنی ہے اور اس میں ترمیم ضروری ہے۔ وفد نےنمائندگی کہ کہ اردو اخبارات کو بنا کسی شرط منڈل سطح کے بشمول ضلع سطح کے اکریڈیٹیشن کارڈ جاری کئے جائیں۔ اس کے لیے جی او 252 میں ضروری ترمیم کی جائے۔چھوٹے اخبارات کو کمشنر انفارمیشن کے حاضری سرٹیفکٹ کی بنا پر اضلاع میں۔بھی کارڈ جاری کیا جاے۔ فری لانس اور ویٹرن جرنلسٹس کے لیے کارڈ کی شرائط میں نرمی پیدا کی جاے۔

 

وفد نے فہیم قریشی کو بتایا کہ اردو ریاست کی دوسری سرکاری زبان ہے۔ ریاست میں اردو بولنے والوں کی آبادی 15 فیصد ہے۔ اسی حساب سے اردو اخبارات کا سرکیولیشن ہے۔ تلگو بولنے والوں کی آبادی 85 فیصد ہے اسی حساب سے تلگو اخبارات کا سرکیولیشن ہے۔ حکومت نے 15 فیصد والوں پر 85 فیصد والوں کے سرکیولیشن کا لزوم عائد کردیا جوکہ سراسر ناانصافی ہے۔

 

چنانچہ اردو اخبارات کو سرکیولیشن کی قید سے مستشنیٰ قرار دیتے ہوےاردو اخبارات کو بنا کسی شرط منڈل سطح کے بشمول ضلع سطح کے اکریڈیٹیشن کارڈ جاری کئے جائیں۔ وفد نے ڈیجیٹل میڈیا کے تعلق سے بھی نمائندگی کرتےہوئے، بتایا کہ ڈیجیٹل میڈیا کو کارڈ کی اجرائی کے لیے بے حد سخت قانون بنایا گیا ہے اس میں ترمیم کی سخت ضرورت ہے۔ ویوز اور سبسکرائبر کی تعداد کو کم کیا جاے۔ نیوز ایجنسیوں کو دس لاکھ کا ٹرن اوور کو کم کرتے ہوے ایک لاکھ روپیہ کیا جاے۔

 

الکٹرانک میڈیا بالخصوص کیبل چیانلس کے سلسلے میں نمائندگی کرتےہوئے، وفد نے بتایا کہ کیبل ٹی وی کے لیے اضلاع میں آفیس، اسٹوڈیو اور نیوز روم کی شرط عائد کی گئ ہے، اس کو بھی برخواست کیا جاے۔ اکریڈیٹیشن کارڈ کمیٹی کا ہر تین ماہ میں اجلاس کو منعقد کرنا لازمی قرار دیا جائے۔ چھوٹے اخبارات اور کیبل ٹی وی کو پہلی میٹنگ میں ہی کارڈ منظور کرنےکا لائحہ عمل بنایا جائے۔

 

محمد فہیم قریشی نے تلنگانہ اردو ورکنگ جرنلسٹس فیڈریشن کی جانب سے پیش کردہ جی او کی خامیوں، ناانصافیوں کو دور کرنے فیڈریشن کی جانب سے پیش کردہ تجاویز پر غور کرنے، اور دیگر مسائل کی یکسُوئی کے لئے اسے چیف منسٹر اور متعلقہ وزیر سے رجوع کرنے کا وفد کو تیقن دیا۔

 

اس موقع پر فیڈریشن کے عہدیداروں عبدالمحسن، محمد فاروق، کے علاوہ سینئرجرنسلسٹ شاہد قریشی اور ابوایمل آزاد رپورٹر بھی موجود تھے۔