نو نہال ہائی اسکول کے استاد مو لوی محمد واثق مثالی معلم کے ایوارڈ سے سرفراز

تعلیم کسی بھی قوم کی ترقی کی بنیاد ہوتی ہے اور اس بنیاد کو مضبوط بنانے میں اساتذہ کا کردار نہایت اہم اور قابلِ قدر ہوتا ہے۔ ایسے ہی ایک باصلاحیت، مخلص اور مثالی معلم نو نہال ہائی اسکول کے استاد *مولوی محمد واثق ہیں*، جنہیں ان کی شاندار تعلیمی خدمات کے اعتراف میں مثالی معلم ایوارڈ سے نوازا گیا۔ یہ اعزاز نہ صرف ان کی طویل اور بے لوث خدمات کا اعتراف ہے بلکہ تعلیمی شعبے کے لیے ایک قابلِ تقلید مثال بھی ہے۔

 

مولوی محمد واثق ایک نظم و ضبط کے پابند، سادہ مزاج اور اعلیٰ اخلاق کے حامل استاد ہیں۔ آپ گزشتہ 43 برسوں سے شعبۂ تدریس سے وابستہ ہیں، *جن میں سے 25 سال آپ نے نو نہال ہائی اسکول میں اپنی قیمتی خدمات انجام دی ہیں۔* اس طویل عرصے میں آپ نے ہزاروں طلبہ کی تعلیمی و اخلاقی تربیت کی اور انہیں علم کے ساتھ ساتھ اچھا انسان بننے کی راہ دکھائی۔

 

آپ کی شخصیت کی سب سے نمایاں خوبی یہ ہے کہ آپ ہمیشہ طلبہ کی بھلائی اور کامیابی کو پیشِ نظر رکھتے ہیں۔ آپ کا تدریسی انداز نہایت سادہ، مؤثر اور طلبہ کے لیے آسان فہم ہے۔ بالخصوص مضمونِ ریاضی میں آپ کی خدمات ناقابلِ فراموش ہیں۔ ریاضی جیسے مشکل اور خشک سمجھے جانے والے مضمون کو آپ اس قدر آسان اور دلچسپ انداز میں پڑھاتے ہیں کہ طلبہ نہ صرف اسے سمجھ لیتے ہیں بلکہ اس مضمون سے محبت کرنے لگتے ہیں۔

 

مولوی محمد واثق کا ماننا ہے کہ اگر استاد اخلاص کے ساتھ پڑھائے تو ہر طالب علم سیکھ سکتا ہے۔ یہی وجہ ہے کہ طلبہ آپ کے تدریسی انداز کو بے حد پسند کرتے ہیں اور آپ کو عزت و احترام کی نگاہ سے دیکھتے ہیں۔ آپ کلاس روم میں محض ایک استاد نہیں بلکہ ایک رہنما، مربی اور مشفق سرپرست کے طور پر پہچانے جاتے ہیں۔ محمد عبد الرحیم پرنسپل نو نہال ہائی اسکول نے کہا کہ مثالی معلم ایوارڈ کا حصول دراصل آپ کی محنت، استقامت اور تعلیمی خدمات کا روشن ثبوت ہے

 

۔ نو نہال ہائی اسکول کے لیے یہ باعثِ فخر ہے کہ اس کے ادارے سے وابستہ ایک استاد نے اساتذہ برادری کا نام روشن کیا۔ ہمیں امید ہے کہ مولوی محمد واثق آئندہ بھی اسی جذبے اور لگن کے ساتھ علم کی شمع روشن کرتے رہیں گے اور نئی نسل کی رہنمائی کرتے رہیں گے۔

 

اللہ تعالیٰ ان کی خدمات کو قبول فرمائے اور انہیں صحت و درازیٔ عمر عطا فرمائے۔ آمین۔

اس موقع *مو لانا محمد شفیع الدین ندوی ناظم نو نہال ہائی اسکول *محمد عبد الرحیم پرنسپل نو نہال ہائی اسکول* نے و ا سا تذہ معلمات نے مبارکباد پیش کیا ۔