تلنگانہ میناریٹی فینانس کارپوریشن سے قرض حاصل کرنے کے لئے 19 دسمبر سے داخل کرسکتے ہیں درخواستیں

حیدرآباد _ 17 دسمبر( اردولیکس) تلنگانہ اسٹیٹ مینارٹیز فینانس کارپوریشن ریاست  میں رواں مالی سال 2022-23 کے دوران اہل اور دلچسپی رکھنے والی اقلیتی برادریوں یعنی مسلمانوں، سکھوں، پارسیوں، بدھسٹوں اور جینوں سے اکنامک سپورٹ اسکیم / بینک سے منسلک سبسڈی اسکیم کے تحت تازہ آن لائن درخواستیں طلب کر رہا ہے تاکہ سبسڈی کے ذریعے مالی امداد فراہم کی جا سکے۔ کاروبار کے قیام اور ترقی کے لیے کارپوریشن کی اکنامک سپورٹ اسکیم کے تحت بینک سے منسلک اور غیر بینک سے منسلک قرض فراہم کیا جائے گا ۔

تلنگانہ میناریٹی فینانس کارپوریشن کے چیئرمین محمد امتیاز اسحاق نے درخواست فارم داخل کرنے اور قرض کے اہل افراد کی تفصیلات میڈیا کے سامنے پیش کی ۔

اہلیت کا معیار:

1. درخواست دہندہ کا تعلق اقلیتی برادری سے ہونا چاہیے۔

2. عمر 21 سے 55 سال کے درمیان

3. سالانہ خاندانی آمدنی 1,50,000/- روپے دیہی علاقہ اور 2,00,000/- شہری علاقوں میں

4. درخواست گزار کا آدھار کارڈ

5. سفید راشن کارڈ/فوڈ سیکیورٹی کارڈ

 

1. اقتصادی امدادی اسکیم کے تحت سبسڈی قرض حاصل کرنے کے لیے اہل اور دلچسپی رکھنے والے اقلیتی درخواست دہندگان سے درخواستیں طلب کی جاتی ہیں۔

2. تمام درخواست دہندگان آن لائن بینیفشری مینجمنٹ اینڈ مانیٹرنگ سسٹم (OBMMS) کے ذریعے آن لائن درخواست دیں گے۔

3. ویب پورٹل http://tsobmms.cgg.gov.in

4. یا TSMFC ویب سائٹ: tsmfc.in

5. آن لائن رجسٹریشن کی افتتاحی تاریخ 19.12.2022 ہے۔

6. آن لائن رجسٹریشن کے بند ہونے کی آخری تاریخ 05.01.2023 کی درمیانی رات ہے۔

7. ہیلپ لائن # 7337534111 صبح 10:30 بجے سے شام 5:00 بجے تک (کام کے دنوں میں)

8. آف لائن درخواستیں قبول نہیں کی جائیں گی۔