تلنگانہ کے محکمہ پولیس میں منعقدہ سب انسپکٹر اور کانسٹیبلس کے امتحانات کے نتائج جاری

حیدرآباد _ 21 اکتوبر ( اردولیکس) تلنگانہ کے محکمہ پولیس  ٹرانسپورٹ اور اکسائز میں ایس آئی اور کانسٹیبلس کی بھرتی  کے لئے منعقدہ امتحانات کے نتائج جاری ہوگئے۔ تلنگانہ پولیس رکروٹمنٹ بورڈ کی جانب سے اگست میں یہ امتحانات منعقد کئے گئے تھے۔ سب انسپکٹر کے امتحان میں 46.8 فیصد امیدواروں نے کامیابی حاصل کی۔ اسی طرح سیول کانسٹبل کے امتحان میں 31.39 فیصد امیدوار کامیاب قرار دیئے گئے۔ ٹرانسپورٹ کانسٹبل کے امتحان میں 49.89 فیصد اور اکسائز کانسٹبل کے امتحان میں 46.65 فیصد امیدوار کامیاب قرار دیئے گئے۔ امیدوار اپنے نتائج تلنگانہ اسٹیٹ پولیس رکروٹمنٹ کی ویب سائٹ پر ملاحظہ کرسکتے ہیں۔

554 ایس آئی کی جائیدادوں کے لیے تحریری امتحان 7 اگست کو لیا گیا تھا۔  28 اگست کو 15,644 کانسٹیبل، 63 ٹرانسپورٹ کانسٹیبل، 614 امتناعی اور ایکسائز کانسٹیبل کے جائیدادوں کے لیے امتحان منعقد ہوا تھا۔

2,25,668 امیدواروں نے SI کی جائیدادوں کے تحریری امتحان میں شرکت کی اور 1,05,603 (46.80 فیصد) امیدوار کامیاب ہوئے۔ سول کانسٹیبل کی جائیدادوں کے تحریری امتحان میں 5,88,891 امیدواروں نے شرکت کی اور 1,84,861 (31.39 فیصد) امیدوار کامیاب ہوئے۔ ٹرانسپورٹ کانسٹیبل کی جائیدادوں کے تحریری امتحان میں 41,835 امیدواروں نے شرکت کی اور 18,758 (44.84 فیصد) پاس ہوئے۔  ایکسائز کانسٹیبل کی جائیدادوں کے لیے 2,50,890 امیدواروں نے تحریری امتحان میں شرکت کی اور 1,09,518 (43.65 فیصد) نے امتحان پاس کیا۔