دہلی میں 80 روپے اور حیدرآباد میں 60 روپے فی کلو پیاز _ ملک بھر میں پیاز کی قیمتوں میں بے تحاشہ اضافہ
ملک بھر میں پیاز کی قیمت میں گزشتہ ایک ہفتے کے دوران دو گنا اضافہ ہوا ہے ایک کلو پیاز کی قیمت جو پہلے 20-30 روپے فی کلو تھی، اب دہلی میں تقریباً 80 روپے اور حیدرآباد میں 50 تا 60 روپے فی کلو ہوگئی ہے۔ دہلی کی غازی پور سبزی منڈی میں پیاز کے ایک تاجر نے بتایا کہ آج یہ 350 روپے فی پانچ کلو تک پہنچ گئی ہے۔
ایک اور تاجر نے کہا کہ آنے والے دنوں میں پیاز کی قیمتوں میں مزید اضافہ ہونے کا امکان ہے۔ انہوں نے کہا کہ نوراتری سے پہلے ایک کلو پیاز کی قیمت 50 روپے تھی اب 70 روپے تک پہنچ گئی ہے۔ ان کا کہنا تھا کہ وہ اسے 80 روپے میں صارفین کو فروخت کر رہے ہیں کیونکہ اس کی قیمت 70 روپے ہے۔ انہوں نے کہا کہ چند روز قبل یہ 30 سے 40 روپے فی کلو کے درمیان تھا۔ انہوں نے کہا کہ اگر یہ اسی طرح جاری رہا تو یہ 100 روپے فی کلو تک پہنچ جائے گی۔
حیدرآباد میں بھی فی کلو پیاز 50 تا 60 روپے میں فروخت ہورہی ہے صرف دو ہفتے قبل، مارکیٹ میں صارفین کو 22 سے 25 روپے فی کلو کی معقول حد میں دستیاب تھی۔
آج، خریدار تقریباً 50 تا 60 روپے فی کلو خرچ کر رہے ہیں۔ سپر مارکیٹوں میں وہ 53 روپے اور گروسری ڈیلیوری ایپلی کیشنز پر 55 روپے اور ریٹیل دکانوں میں 60 فروخت ہو رہی ہے
