حیدرآباد میں سونے کی قیمتیں تاریخ کی بلند ترین سطح پر

سونے کی قیمت میں تیزی سے اضافہ جاری ہے اور روز بروز نئے ریکارڈ بنتے جا رہے ہیں۔ بین الاقوامی سطح پر ٹرمپ حکومت کے ٹیکس اقدامات، جغرافیائی تناؤ اور مرکزی بینکوں کی جانب سے سونا خریدنے کے رجحان نے قیمتوں کو مزید بڑھا دیا ہے۔

 

اب جبکہ امریکہ میں وفاقی حکومت کا شٹ ڈاؤن بھی جاری ہے، سونے کی قیمت پر کوئی قابو نہیں رہا۔ عالمی منڈی میں فی اونس (31.10 گرام) سونا 3935 ڈالر تک پہنچ گیا ہے اور ماہرین کا کہنا ہے کہ یہ جلد 4 ہزار ڈالر فی اونس تک جا سکتا ہے۔

 

اس کے اثر سے حیدرآباد میں 24 کیرٹ سونے کے 10 گرام کی قیمت ₹1,23,420 اور 22 کیرٹ سونے کی قیمت ₹1,10,700 تک پہنچ گئی ہے۔ اسی طرح چاندی کی فی کلو قیمت ₹1.54 لاکھ ریکارڈ کی گئی ہے۔

 

تجارتی ذرائع کے مطابق سونے کی قیمتوں میں مسلسل اضافے سے عام خریدار پیچھے ہٹ رہے ہیں، اور خرید و فروخت میں نمایاں کمی دیکھی جا رہی ہے۔ زیورات کی خریداری کے بجائے خواتین دیگر متبادل زیورات کی طرف رجوع کر رہی ہیں۔