بے زبان جانور کی محبت، خاتون کی خودکشی کے بعد پالتو کتا انتظار کرتے کرتے چپلوں کے پاس ہی سوگیا: ویڈیو دیکھیں
حیدرآباد: ریاست آندھراپردیش میں ایک خاتون نے دریائے گوداوری میں چھلانگ لگا کر خودکشی کرلی جس کے بعد اس کا پالتو کتاگھنٹوں اپنی مالکن کا انتظار کرتا رہا اور آخر کار وہیں سوگیا۔ امبیڈکرکوناسیما ضلع سے تعلق رکھنے والی ایک خاتون نے آج دریائے گوداوری میں چھلانگ لگا کر خودکشی کرلی۔
اس خاتون کے ساتھ اس کا پالتو کتا بھی آیا ہوا تھا، خاتون نے اپنے چپل وہاں چھوڑ دئیے اور پانی میں کود گئی۔ پالتو کتا مالکن کی موت سے بے خبر اس کے چھوڑے ہوئے چپل کے پاس ہی گھومتا رہا اور گھنٹوں انتظار کرتا رہا اور تھک کر وہیں سوگیا۔ بے زبان جانور کی اس بے پناہ محبت کا منظر وہاں سے گذرنے والوں کیلئے حیرت کا سبب بنا ہوا تھا جنہوں نے اپنے سیل فونس کے کیمروں میں اس منظر کو قید کرلیا۔
یہ ویڈیو دیکھتے ہی دیکھتے سوشیل میڈیا پر تیزی کے ساتھ وائرل ہوگیا۔ اطلاع ملتے ہی پولیس نے وہاں پہنچ کر خاتون کی نعش کی تلاش شروع کر دی۔
హృదయవిదారకమైన తెలుగు 'హాచికొ' తరహా కథ
యానాం – ఎదుర్లంక బ్రిడ్జి మీద చెప్పులు వదిలి గోదావరిలోకి దూకి ఆత్మహత్య చేసుకున్న యువతి. హాలీవుడ్ సినిమా హాచికొ తరహాలో యజమాని కోసం ఆమె చెప్పుల వద్దే తిరుగుతూ అక్కడే ఎదురు చూసిన ఆమె పెంపుడు శునకం.
ఈ క్లూ ఆధారంగా పోలీసులు గాలింపు చర్యలు… pic.twitter.com/2bekyDrAFD
— Telugu Scribe (@TeluguScribe) July 17, 2023
