تلنگانہ بلدی انتخابات۔ ابھی تک کس پارٹی حاصل ہوئی کتنی نشستیں؟

حیدرآباد: تلنگانہ میونسپل انتخابات میں کانگریس پارٹی نے اپنی طاقت کا مظاہرہ کیا۔ 116 میونسپلٹیوں کے 2,582 وارڈز کے نتائج سامنے آئے۔ ان میں کانگریس نے 1,347 وارڈز میں کامیابی حاصل کی اور 64 میونسپلٹیوں پر قبضہ کیا۔

 

رات 8 بجے تک کی اطلاع کے مطابق کل ہند مجلس اتحاد المسلیمن نے 66 بلدی وارڈس اور ڈیویژنس میں کامیابی حاصل کی ہے

 

بھارتی ریاستی سمیتی (بی ایس آر) نے 717 وارڈز جیتے اور 13 میونسپلٹیاں حاصل کیں۔ بی جے پی نے 261 وارڈز میں، جبکہ آزاد امیدواروں نے 256 وارڈز میں کامیابی حاصل کی۔38 میونسپلٹیوں میں کسی بھی پارٹی کو مکمل اکثریت حاصل نہیں ہوئی۔

 

محبوب نگر ضلع کی وڈے پلی میونسپلٹی میں آل انڈیا فارورڈ بلاک نے کامیابی حاصل کی، جو قابل ذکر ہے۔ جگتیال میں کانگریس کے سینئر رہنما جیون ریڈی کے حامیوں نے آزاد امیدواروں کے طور پر حصہ لیا اور زیادہ تر نشستوں پر کامیابی حاصل کی۔

 

سات کارپوریشنز کے تعلق سے اب تک سامنے آنے والے نتائج میں کانگریس پارٹی نے منچیریال، راما کنڈم، اور نلگنڈہ میں کامیابی حاصل کی۔ کتہ گوڑم کارپوریشن میں کل 60 ڈویژن ہیں،جن میں کانگریس اور سی پی آئی نے 22 نشستیں جیتیں۔

 

بی آر ایس نے 8، بی جے پی نے 1، سی پی ایم نے 1، اور دیگر نے 6 نشستیں جیتیں جس کے نتیجے میں کتہ گوڑم کارپوریشن کی چیئرمین انتخاب کی صورتحال دلچسپ ہو گئی۔کریم نگر اور نظام آباد کارپوریشنز میں بی جے پی کی برتری ہے جبکہ محبوب نگر میں کانگریس کی بالادستی ہے۔