دھرانی پورٹل میں نئے آپشن _ آپ کی زمین کی قیمت کتنی ہے اب آسانی سے معلوم کی جا سکتی ہے ۔

حیدرآباد _ 25 اگست ( اردولیکس ) تلنگانہ حکومت وقتاً فوقتاً دھرانی پورٹل میں زمین کے مسائل کے حل کے لیے اقدامات اور  تبدیلیاں کر رہی ہیں۔ جبکہ بہت سے ماڈیولز پہلے ہی شامل کیے جا چکے ہیں، حکومت نے حال ہی میں مزید  نئے  آپشن متعارف کیے ہیں۔ حکومت نے کلکٹرس کو ہدایات جاری کی ہے کہ وہ ان آپشن کے ساتھ اضلاع میں زمین کے مسائل کو حل کریں۔ اس سلسلے میں لینڈ ایڈمنسٹریشن کے چیف کمشنر نے ضلع کلکٹرس کو ہدایات جاری کی ہیں۔

یہ نئے ماڈیولز ہیں۔

زمین کی رجسٹریشن کے وقت  اس کا رقبہ اور مارکیٹ ویلیو جاننے اور رپورٹ حاصل کرنے کا موقع دیا گیا۔

خرید و فروخت کے وقت زمین کی مارکیٹ ویلیو معلوم کی جا سکتی ہے۔

گفٹ اور سیل ڈیڈ کے رجسٹریشن میں صرف ایک نہیں بلکہ بہت سے لوگوں کو خرید و فروخت کا موقع دیا گیا ہے۔

ایجنسی علاقوں کو چھوڑ کر، دوسرے علاقوں میں رہنے والوں کو بینکوں میں رہن رکھنے کے لئے  ذات کا سرٹیفکیٹ منسلک کرنے کی شرط سے مستثنیٰ قرار دیا گیا ہے۔

نام، جنس، آدھار، ذات کے زمرے میں تبدیلی کے لئے ٹی ایم 33   ماڈیول سے استثنیٰ حاصل ہے۔