بالی ووڈ اداکارہ کٹرینہ کیف ماں بن گئیں

ممبئی: بالی ووڈ کی معروف اور دلکش جوڑی کٹرینہ کیف اور وکی کوشل کے گھر خوشیوں کی لہر دوڑ گئی ہے۔ اداکارہ نے آج جمعہ 7 نومبر 2025 کو ایک بیٹے کو جنم دیا ہے۔ اس خوشخبری کا اعلان خود وکی کوشل نے اپنے انسٹاگرام

 

 

اکاؤنٹ کے ذریعے کیا جس کے بعد سوشل میڈیا پر مبارکبادوں کا سلسلہ شروع ہوگیا ہے۔وکی کوشل نے انسٹاگرام پر ایک دل کو چھو لینے والی پوسٹ شیئر کی، جس میں لکھا تھا ’’ہمارے گھر میں خوشیوں نے قدم رکھ دیا ہے۔ بہت سارے

 

 

پیار اور دعاؤں کے ساتھ ہم اپنے بیٹے کا استقبال کر رہے ہیں۔‘‘ سوشل میڈیا پر یہ خوشخبری وائرل ہو چکی ہے اور فینز خوشی کا اظہار کر رہے ہیں۔قابلِ ذکر ہے کہ کٹرینہ کیف اور وکی کوشل نے تقریباً ڈیڑھ ماہ قبل اپنی پہلی اولاد کی خبر

 

 

سوشل میڈیا پر مداحوں کے ساتھ شیئر کی تھی۔ کٹرینہ نے اپنے انسٹاگرام پر ایک خوبصورت تصویر پوسٹ کی تھی جس میں وکی کوشل محبت سے انہیں تھامے ہوئے تھے۔ اس موقع پر فلمی دنیا کی مشہور شخصیات نے بھی انہیں ڈھیروں

 

 

دعائیں دی تھیں۔کٹرینہ کیف نے اپنے حمل کے دوران میڈیا سے دوری بنائے رکھی اور زیادہ تر وقت گھر پر ہی گزارا۔ کٹرینہ کیف اور وکی کوشل نے 9 دسمبر 2021 کو راجستھان کے ایک شاہی ریسارٹ میں شادی کی تھی۔ اس جوڑے کی

 

 

شادی نہ صرف مداحوں بلکہ فلمی دنیا میں بھی طویل عرصے تک زیرِ بحث رہی۔ دونوں کی جوڑی کو بالی ووڈ کی سب سے پسندیدہ جوڑیوں میں شمار کیا جاتا ہے۔ اطلاعات کے مطابق ماں اور بچہ دونوں صحت مند ہیں۔