‘میں ہندو ہوں، میں برہمن ہوں، گلوکار شان نے نماز پڑھتے ہوئے تصویر شیئر کی۔ لوگوں نے پڑھایا مذہب کا سبق تو دیامنہ توڑ جواب: ویڈیو دیکھیں
ممبئی: عید کے موقع پر سینما کی دنیا کی کئی معروف شخصیات نے سوشل میڈیا کے ذریعے مداحوں کومبارکباد پیش کی ہے۔ مشہور گلوکار شان نے بھی اپنی نماز پڑھتے ہوئے ایک تصویر شیئر کی ہے اور لوگوں کو عید کی مبارکباد دی ہے۔ ان کی پوسٹ کچھ ہی دیر میں بہت وائرل ہوگئی۔ جس کی وجہ سے وہ ٹرولز کے نشانے پر آگئے اور سوشل صارفین نے ان سے پوچھنا شروع کر دیا کہ ‘وہ مسلمان کب ہوئے؟’ اب ٹرولز کو حاوی ہوتے دیکھ کر گلوکار نے بھی کرارا جواب دیا ہے۔
دراصل گلوکار شان نے اپنی تصویر سوشل میڈیا پر شیئر کی ہے۔ اس میں وہ سر پر ٹوپی پہن کر نماز پڑھتے نظر آ رہے ہیں۔ اس میں ان کا مسلمان گیٹ اپ نظر آرہا ہے جو انٹرنیٹ پر کافی وائرل ہو رہا ہے۔ ان کا یہ روپ ایک ویڈیو کی شوٹنگ کے دوران کا ہے۔
بالی ووڈ گلوکار شان نے سوشل میڈیا پر اپنی تصویر شیئر کرتے ہوئے کیپشن لکھا، ‘آپ کو اور آپ کے اہل خانہ کو عید مبارک’ اس کے بعد لوگوں نے انہیں ان کے مذہب پر ٹرول کرنا شروع کردیا۔ اس کے بعد انہوں نے ٹرولوں کو بھی کرارا جواب دیا اور لکھا، ‘آج عید ہے۔ میں نے 3 سال پہلے ایک ویڈیو بنائی تھی یہ اسی کی تصویرہے۔
اس کے ساتھ ہی شان نے اس پوسٹ میں لکھا، ‘اب آپ کا ردعمل دیکھ کر میں حیران ہوں… میں ہندو ہوں، میں برہمن ہوں۔ بچپن سے یہی سکھایا گیا ہے… ایک دوسرے کے تہوار منانا۔ ہر برادری کا احترام کرنا۔ یہ میری سوچ ہے اور ہر ہندوستانی کو یہ سوچ رکھنی چاہیے۔ باقی آپ کی سوچ، آپ کو مبارک ہو۔ اس کے بعد شان نے کمنٹ سیکشن میں ‘جئے پرشورام’ بھی لکھا۔ گلوکار نے پوسٹ کے ساتھ اپنی ایک لائیو ویڈیو بھی شیئر کی ہے جس میں انہیں اس معاملے پر بات کرتے ہوئے سنا گیا۔
Dear @singer_shaan
Our festivals been mocked,pelted with stones and we can't celebrate our festivals peacefully. So didn't need your lecture on respect,tolerance etc and moreover we neither want your lame justification too.
Keep wearing skull cap and wish EID for brotherhood. pic.twitter.com/6ItyS5yTGr
— Woke Patroller (@WokePatroller) April 22, 2023
