کویت میں 2 ہندوستانیوں کی سزائے موت سنائی گئی

نئی دہلی ۔منشیات کی غیر قانونی اسمگلنگ (ڈرگ ٹریفکنگ) کے ایک معاملے میں کویت کی عدالت نے اہم فیصلہ سنایا ہے۔ منشیات کے ساتھ گرفتار دو بھارتی شہریوں کو مجرم قرار دیتے ہوئے سزائے موت سنائی گئی ہے۔

تاہم یہ واضح نہیں ہو سکا کہ وہ دونوں بھارت کی کس ریاست سے تعلق رکھتے ہیں۔ملک میں منشیات کی غیر قانونی اسمگلنگ کے خلاف سخت کارروائی کا فیصلہ کرتے ہوئے کویت کی وزارتِ داخلہ نے حال ہی میں ایک خصوصی آپریشن انجام دیا۔ اس کے تحت کَیفان اور شویخ کے علاقوں میں نگرانی کرنے والے ڈرگ کنٹرول حکام نے دو بھارتی شہریوں کو گرفتار کیا۔

ان کے قبضے سے 14 کلو ہیروئن اور 8 کلو میتھ ایمفیٹامین برآمد کی گئی۔تحقیقات میں یہ بات سامنے آئی ہے کہ ملزمان کے بین الاقوامی منشیات نیٹ ورک سے روابط تھے۔ ان سے متعلق شواہد پراسیکیوٹرز نے عدالت میں پیش کیے جس کے بعد

عدالت نے مجرموں کو سزائے موت سناتے ہوئے فیصلہ صادر کیا۔