62 سال کی عمر میں آسٹریلیا کے وزیرِ اعظم انتھونی البانیز نے کی دوسری شادی
نئی دہلی ۔آسٹریلیا کے وزیرِ اعظم انتھونی البانیز نے 62 سال کی عمر میں شادی کے بندھن میں بندھ گئے۔ انہوں نے اپنی دیرینہ دوست جوڈی ہیڈن (Jodie Haydon) سے ہفتہ کے روز شادی کی۔ وزیرِ اعظم کے عہدے پر رہتے ہوئے کسی شخص کی شادی کا یہ پہلا واقعہ ہے۔
سرکاری رہائش ’دی لاج‘ کے باغ میں انتہائی قریبی لوگوں کی موجودگی میں یہ شادی کی تقریب منعقد ہوئی۔ انتھونی البانیز نے اس بات کا اعلان سوشل میڈیا پر کیا اور اپنی شریکِ حیات کا ہاتھ پکڑ کر چلتے ہوئے ایک ویڈیو بھی شیئر کی۔
پانچ سال قبل میلبورن میں ہونے والی ایک کاروباری ضیافت میں ہیڈن اور انتھونی کی پہلی ملاقات ہوئی تھی۔ اسی کے بعد سے دونوں رشتے میں تھے اور اب شادی کے ذریعے ایک ہوگئے ہیں۔ گزشتہ چند برسوں سے ہیڈن اور انتھونی مختلف پروگراموں میں ایک ساتھ شرکت کرتے رہے ہیں اور ان کی تصاویر سوشل میڈیا پر کافی مشہور ہوئیں۔
انتھونی البانیز کی یہ دوسری شادی ہے۔ 2019 میں انہوں نے اپنی پہلی بیوی کو طلاق دی تھی۔ ان دونوں کا ایک بیٹا بھی ہے۔
