برازیل ایئرپورٹ پر بڑا حادثہ — ٹیک آف سے قبل طیارے میں آگ، 180 مسافر بال بال بچ گئے
برازیل ایئرپورٹ پر بڑا حادثہ — ٹیک آف سے قبل طیارے میں آگ، 180 مسافر بال بال بچ گئے
برازیل کے گوارولہوس انٹرنیشنل ایئرپورٹ میں اس وقت افرا تفری مچ گئی جب 180 مسافروں سے بھرا لٹَم ایئرلائنز (LATAM Airlines) کا ایئربس A320 طیارہ ٹیک آف کے لیے رَن وے پر تیار کھڑا تھا کہ اچانک کیبن میں آگ بھڑک اُٹھی۔ دیکھتے ہی دیکھتے آگ اور دھوئیں کے گہرے بادل اٹھنے لگے جس کے باعث فوری طور پر ایئرپورٹ عملہ حرکت میں آ گیا۔
عملے نے انتہائی پھرتی کا مظاہرہ کرتے ہوئے تمام مسافروں کو فوری طور پر طیارے سے باہر نکال لیا۔ موقع پر پہنچنے والی فائر بریگیڈ نے کچھ دیر کی کارروائی کے بعد شعلوں پر قابو پا لیا۔ خوش قسمتی سے اس حادثے میں کسی مسافر یا عملے کو کوئی چوٹ نہیں آئی، جس کی ایئرپورٹ حکام نے بھی تصدیق کی ہے۔
ابتدائی اطلاعات کے مطابق آگ اچانک کیبن کے اندر پیدا ہوئی جس کے اصل اسباب جاننے کے لیے تحقیقات جاری ہیں۔ واقعے کی ویڈیوز سوشل میڈیا پر تیزی سے وائرل ہو رہی ہیں جن میں طیارے سے اٹھتے شعلے اور دھواں واضح طور پر دیکھا جا سکتا ہے۔
حادثے کے بعد طیارے کو سروس سے ہٹا دیا گیا ہے جبکہ مسافروں کے لیے متبادل انتظامات کیے جا رہے ہیں۔ ایئرپورٹ انتظامیہ نے مکمل انکوائری کا اعلان کیا ہے۔
