جنوبی امریکہ کے فوجی بیرک میں دھماکہ 10 ہلاک درجنوں زخمی

نئی دہلی ۔جنوبی امریکہ کے ملک بولیویا میں ایک خوفناک حادثہ پیش آیا۔ دارالحکومت لا پاز (La Paz) کے قریب ایک فوجی بیرک میں زوردار دھماکہ ہوا جس کے نتیجے میں کم از کم 10 افراد ہلاک جبکہ 60 سے زائد افراد شدید زخمی ہوگئے۔

یہ دھماکہ لا پاز سے تقریباً 30 کلومیٹر دور ویاچا (Viacha) میونسپلٹی میں واقع ایک فوجی اڈے پر ہوا۔ ابتدائی تحقیقات کے مطابق فوجی یونٹ میں آتشی اسلحہ ذخیرہ کرنے والی جگہ پر دھماکہ ہوا۔

دھماکے کی شدت اتنی زیادہ تھی کہ فوجی بیرک سے بڑی مقدار میں گھنا سیاہ دھواں اٹھتا ہوا دکھائی دیا۔ مقامی محکمۂ صحت کی ڈائریکٹر ریٹا نیبراسکا نے بتایا کہ حادثے میں ہلاک ہونے والوں کی تعداد 10 سے 15 کے درمیان ہوسکتی ہے۔ حکام کے مطابق زخمی ہونے والوں میں زیادہ تر عام شہری شامل ہیں۔

اطلاع ملتے ہی امدادی ٹیمیں جائے حادثہ پر پہنچ گئیں اور زخمیوں کو قریبی اسپتالوں میں منتقل کیا گیا۔ حادثے کی وجوہات اور دھماکے سے متعلق مزید تفصیلات کے لیے تحقیقات جاری ہیں۔