حزب اللہ نے جاسوسی ڈرون کے ذریعہ اسرائیلی وزیراعظم کی رہائش گاہ کی تصاویر حاصل کرلی _ اسرائیلی فوج پر سکتہ طاری!

حیدرآباد _ 18 اگست ( اردولیکس ڈیسک) حزب اللہ نے اسرائیلی وزیراعظم نتن یاہو کی رہائش گاہ کی تصویر حاصل کرلی ہے جس کے تصاویر منظر عام پر آنے کے بعد اسرائیلی فوج چوکس ہوگئی ہے نتن یاہو کے رہائش گاہ کی ڈرون سے لی گئی تصویر کے سلسلے میں اسرائیلی اخبار اسرائیل ہیوم نے اتوار کے روز اطلاع دی ہے کہ لبنانی گروپ حزب اللہ نے تل ابیب کے شمال میں واقع قیصریہ میں وزیر اعظم بنجمن نیتن یاہو کی رہائش گاہ کی فوٹیج حاصل کرنے کے لیے ڈرون کا استعمال کیا ہے۔

 

رپورٹ میں کہا گیا ہے کہ عہدیداروں نے ابتدائی طور پر شبہ ظاہر کیا کہ یہ حزب اللہ کی طرف سے شروع کیا گیا جاسوسی ڈرون ہو سکتا ہے جس نے مستقبل کی پیش قدمی کے لئے نیتن یاہو کی سمندر کے کنارے واقع رہائش گاہ کی فوٹیج حاصل کرنے کی کوشش کر رہا ہے۔

 

مبینہ طور پر نامعلوم طیارے کا سراغ اسرائیلی بحریہ کی میزائل کشتی کے ریڈار سسٹم سے لگایا گیا جو قیصریہ کے ساحل پر گشت کر رہی تھی۔ چونکہ "دیگر نگرانی کے آلات اس کی موجودگی کی تصدیق کرنے میں ناکام رہے اخبار اسرائیل ہیوم کے مطابق اسرائیلی فضائیہ نے اس علاقے میں لڑاکا طیاروں کو گھسایا ہے

 

اخبار کے مطابق اسرائیلی فوج نے کہا کہ ڈرون کا پتہ لگانے کا کام  غلط تھا   لیکن اس امکان کو مکمل طور پر مسترد نہیں کیا کہ حزب اللہ نے گھر کی تصاویر لینے کے لیے ایک چھوٹا ڈرون لانچ کیا ہے

 

رپورٹ میں کہا گیا کہ بصری تصدیق کی کمی کے باوجود، فوج اور فضائیہ کے حکام نے لبنان سے ایک چھوٹی بغیر پائلٹ کے فضائی گاڑی (یو اے وی) کے لانچ ہونے کے امکان کو مکمل طور پر مسترد نہیں کیا ہے