ہانگ کانگ میں 50 منزلہ اپارٹمنٹ میں بھیانک آگ — 12 افراد جھلس کر ہلاک، درجنوں کی جانیں خطرے میں
ہانگ کانگ میں 50 منزلہ اپارٹمنٹ میں بھیانک آگ — 12 افراد جھلس کر ہلاک، درجنوں کی جانیں خطرے میں
ہانگ کانگ کے تھائی پو شہر کے قریب واقع اپارٹمنٹ کمپلیکس میں ہولناک آگ بھڑک اٹھی جس کے نتیجہ میں کم از کم 12 افراد زندہ جل کر ہلاک ہوگئے۔ ہلاکتوں میں فائر بریگیڈ کا ایک اہلکار بھی شامل ہے، جبکہ دیگر میں 8 خواتین اور 3 مرد شامل ہونے کی تصدیق کی گئی ہے۔
حکام کے مطابق اپارٹمنٹ بلاکس کے اطراف بانس کی باڑ لگائی گئی تھی جس پر گرین نیٹ چڑھایا گیا تھا۔ آگ پہلے اسی فینسنگ کو لپیٹ میں لے کر تیزی سے بھڑکی اور دیکھتے ہی دیکھتے پورے چار بلاکس کو اپنی گرفت میں لے لیا۔ شعلوں کی شدت کے باعث گرین نیٹ مکمل طور پر جل کر گر پڑا۔
ذرائع کے مطابق عمارتوں کے اندر اب بھی سیکڑوں افراد پھنسے ہونے کا اندیشہ ہے، جس کے پیشِ نظر ریسکیو ٹیمیں پوری قوت کے ساتھ امدادی کارروائیاں جاری رکھے ہوئے ہیں۔ دھواں اور آگ کی شدت کے باعث ریسکیو آپریشن انتہائی دشوار بتائی جارہی ہے۔
