انٹرنیشنل ماڈل بنی حیدرآبادی لڑکی
حیدرآباد: بھَوِتا منڈوا… حیدرآباد سے تعلق رکھنے والی اس نوجوان ماڈل کا نام اس وقت دنیا بھر میں گونج رہا ہے۔ اچانک ماڈل بننے والی بھَوِتا نے فیشن واک کو شاندار انداز میں لیڈ کیا۔ اعلیٰ تعلیم کے لیے امریکہ جانے والی بھَوِتا کا ماڈل بننا ایک دلچسپ اتفاق ثابت ہوا۔
تیز رفتار زندگی جیتے ہوئے وہ اب بین الاقوامی رَن ویز پر چلنے والی ماڈلز میں شامل ہو گئی ہے۔ بھَوِتا منڈوا کی کہانی کچھ یوں ہے حیدرآباد کی بھَوِتا منڈوا نے جے این ٹی یو ایچ (JNTUH) سے آرکیٹیکچر میں بیچلرس مکمل کیا۔ اس کے بعد "انٹرایکٹڈ ڈیزائن اینڈ میڈیا” میں ماسٹرس کرنے امریکا چلی گئی۔ وہاں ایک غیر متوقع واقعے نے اس کی زندگی کا رخ ہی بدل دیا۔
نیویارک سب وے میں ٹرین کا انتظار کرتے ہوئے اس کے پاس فرانسیسی-بیلجین ڈیزائنر میتھیو بلیزی آئے اور پوچھا کہ کیا وہ ماڈل بننا چاہے گی؟ بھَوِتا کو اس سے پہلے ماڈلنگ کا کوئی تجربہ نہیں تھا لیکن اس نے ہاں کر دی۔ 2024 میں میتھیو بلیزی نے اسے ماڈلنگ کا موقع دیا اور یوں وہ اچانک ماڈل کے طور پر سامنے آگئی۔
صرف دو ہفتوں بعد ہی وہ اطالوی لگژری فیشن برانڈ بوٹیگا وینیٹا کے اسپرنگ/ سمر 2025 فیشن شو میں بطور ماڈل چمکی۔ تقریباً چھ فٹ قد والی بھَوِتا کے ریمپ واک نے سب کو متاثر کیااسی اعتماد پر اسے شو میں موقع دیا گیا۔اسی شو نے آگے چل کر اسے شینیل (Chanel) کے “Métiers d’Art” شو تک پہنچا دیا۔ پہلے ہی شو میں اس نے بڑا نام بنا لیا۔
نیویارک، پیرس، میلان اور لندن فیشن ویکس میں اس نے ڈِیور سمیت کئی عالمی برانڈز کے لیے کام کیا۔ تاہم، اسے مطالعہ اور سفر دونوں بہت پسند ہیں۔حالیہ دنوں میں نیویارک میں فرانسیسی لگژری فیشن کمپنی شینیل نے “Métiers d’Art–2026” کے نام سے فیشن شو منعقد کیا۔ کسی بھی فیشن شو میں اوپننگ واک کی بہت اہمیت ہوتی ہے کیونکہ اسی سے ماڈل پر پہلی رائے قائم ہوتی ہے۔
2018 کے بعد شینیل پہلی بار نیویارک میں شو کر رہی تھی اور ایسے باوقار شو میں اوپننگ واک بھَوِتا نے کی۔ وہ اس موقع کو پانے والی پہلی بھارتی ماڈل بن گئی، جس نے عالمی توجہ حاصل کر لی۔اس سے بڑھ کر چونکہ بھَوِتا ایک تلگو لڑکی ہے،اس کا ویڈیو سوشل میڈیا پر زبردست وائرل ہو گیا۔اس سے پہلے بھی بھَوِتا شینیل کے ‘اسپرنگ 2026’ شو میں حصہ لے چکی ہے۔
یہ اس کا دوسرا شو تھا لیکن اوپننگ واک کا موقع اتنی جلدی ملنا اس کے لیے خاص اہمیت رکھتا ہے۔ بھَوِتا کہتی ہے کہ اب یہ اس کے لیے ایک جذباتی وابستگی (سینٹیمنٹ) بن چکا ہے۔ساتھ ہی وہ اپنی اعلیٰ تعلیم کے ساتھ ایک جاب بھی کر رہی ہے۔ اس کی کامیابی دیکھ کر اس کے والدین اور دوست بے حد خوش ہیں۔
