ہند انگلینڈ ٹیسٹ سیریز ۔ سراج نے میاچ کا رخ بدل کر رکھ دیا

حیدرآباد ۔ محمد سراج نے آخری چار وکٹوں میں سے تین وکٹیں لے کر ہندوستان کو انگلینڈ کے خلاف پانچویں اور آخری ٹیسٹ میچ میں سنسنی خیز چھ رنز سے فتح دلوائی۔ یہ میچ پیر کے روز لندن کے دی اوول گراؤنڈ میں کھیلا گیا۔

اس فتح کے ساتھ ہی ہندوستان نے پانچ میچوں کی ٹیسٹ سیریز کو 2-2 سے برابر کر دیا۔پانچویں ٹیسٹ میچ کا آخری دن نہایت سنسنی خیز رہا جب ہندوستان اور انگلینڈ کے درمیان آخری وقت تک مقابلہ جاری رہا۔ انگلینڈ کو جیت کے لیے ایک آسان ہدف نظر آ رہا تھا لیکن محمد سراج کی شاندار گیندبازی نے میچ کا رخ بدل دیا۔

انہوں نے آخری لمحات میں تین اہم وکٹیں حاصل کر کے ہندوستان کی جیت یقینی بنائی۔یہ سیریز ورلڈ ٹیسٹ چیمپئن شپ کا حصہ تھی اور دونوں ٹیمیں دو، دو میچ جیت کر برابر رہیں۔ سراج کی کارکردگی اس میچ میں فیصلہ کن ثابت ہوئی۔