ایران کا امریکہ کے میزائیل ٹینکر پر حملہ۔ بحری جہاز پر حملہ کاجواب
نئی دہلی: مغربی ایشیا میں جنگ شدید ہوتی جا رہی ہے۔ حال ہی میں بحرِ ہند میں ایران کے بحری جنگی جہاز پر امریکہ نے حملہ کر کے اسے تباہ کر دیا تھا۔ اب اطلاعات ہیں کہ ایران نے اس کا بدلہ لے لیا ہے۔
میڈیا رپورٹس کے مطابق خلیج میں ایک امریکی آئل ٹینکر پر حملہ کیا گیا ہے۔ایرانی میڈیا کے مطابق پاسداران انقلاب نے اعلان کیا کہ انہوں نے فارس کی خلیج میں موجود ایک امریکی ٹینکر پر میزائل حملہ کیا۔ بتایا جا رہا ہے کہ جہاز سے
زبردست آگ کے شعلے اٹھتے ہوئے دیکھے گئے۔ تاہم جانی نقصان کے بارے میں ابھی کوئی واضح معلومات سامنے نہیں آئی ہیں۔ایرانی حکام کا کہنا ہے کہ یہ حملہ ان کے جنگی جہاز پر کیے گئے امریکی حملے کے جوابی اقدام کے طور پر کیا
گیا۔ اگرچہ ایران کی حکومت نے ابھی تک اس واقعے پر باضابطہ اعلان نہیں کیا ہے اور امریکہ کی طرف سے بھی ابھی کوئی ردعمل سامنے نہیں آیا۔واضح رہے کہ وشاکھا پٹنم سے ایران واپس جا رہے ایرانی جنگی جہاز IRIS Dena پر ایک امریکی آبدوز نے حملہ کیا تھا۔
اس حملے کے وقت جہاز پر تقریباً 180 عملے کے افراد موجود تھے۔اس حملے میں 87 افراد ہلاک ہو گئے جبکہ کچھ کو سری لنکا کی فورسز نے بچا لیا۔ چند افراد ابھی تک لاپتہ بتائے جا رہے ہیں۔ایران کے وزیر خارجہ عراقچی نے پہلے ہی
خبردار کیا تھا کہ امریکہ کے اس حملے کا بدلہ لیا جائے گا۔ اسی پس منظر میں امریکی ٹینکر پر ہونے والا حالیہ حملہ اہم سمجھا جا رہا ہے۔
