ریاض پر میزائل حملہ ناکام، سعودی فضائی دفاع نے متعدد ڈرونز بھی مار گرائے

سعودی عرب کی وزارتِ دفاع نے اتوار کے روز بتایا کہ فضائی دفاعی نظام نے دارالحکومت ریاض کے اوپر ایک بیلسٹک میزائل کو فضا میں ہی تباہ کر دیا، جبکہ دو دیگر میزائل غیر آباد علاقوں میں جا گرے۔

 

وزارت کے مطابق مشرقی صوبے میں 15 ڈرونز کو بھی مار گرایا گیا۔ کارروائی کا آغاز رات کے وقت ہوا جب مشرقی صوبے میں چار ڈرونز تباہ کیے گئے، جس کے ایک گھنٹے بعد ایک اور ڈرون کو نشانہ بنایا گیا۔

 

چند گھنٹوں بعد اسی علاقے میں مزید ایک ڈرون کو روکا گیا۔ بعد ازاں ریاض کی جانب تین بیلسٹک میزائل داغے گئے، جن میں سے ایک کو فضاء میں تباہ کر دیا گیا جبکہ دو غیر آباد علاقوں میں گرے۔

 

میزائل حملے کے تقریباً ایک گھنٹے بعد مزید ایک ڈرون کو مشرقی صوبے میں مار گرایا گیا، جس کے فوراً بعد مزید چار ڈرونز کو بھی تباہ کیا گیا۔

 

دوپہر تک وزارتِ دفاع نے اسی علاقے میں ایک اور ڈرون کو تباہ کرنے کی تصدیق کی۔