تلنگانہ بھر میں بے روزگار نوجوانوں کا احتجاج و دھرنا _ پبلک سروس کمیشن کے دفتر کا محاصرہ کرنے کی کوشش کے دوران کئی نوجوان گرفتار

حیدرآباد _ 5 جولائی ( اردولیکس) گروپ امتحان کی پوسٹوں کی تعداد میں اضافہ، گروپ 1 مینس کے لیے 1:100 کا تناسب، جاب کیلنڈر، جی او 46 کی منسوخی جیسے مطالبات پر بے روزگار نوجوانوں نے حیدرآباد میں ٹی جی پی ایس سی کے دفتر کا جمعہ کو محاصرہ کرنے کا اعلان کیا تھا تلنگانہ کے بے روزگار نوجوانوں کی جے اے سی نے اعلان کیا تھا کہ وہ 30 لاکھ نوجوانوں کے ساتھ جمعہ کو ‘بے روزگار مارچ’ کا انعقاد کر رہے ہیں

 

جس پر پولیس نے ریاست کے مختلف علاقوں میں جگہ جگہ بے روزگاری مارچ میں رکاوٹیں کھڑی کردی ہے ۔ اضلاع کے نوجوانوں کو دارالحکومت آنے سے روکنے کے لیے گرفتار کیا گیا۔حیدرآباد کے ارد گرد پکٹنگ کا انتظام کیا گیا تھا۔ پولیس اضلاع سے آنے والی ٹریفک کی مکمل چیکنگ کرکے شہر میں داخل ہونے دیا ۔ٹی جی پی ایس سی دفتر پر پولیس کی بھاری نفری تعینات کردی گئی۔

 

ایس ایف آئی ناگرکرنول کے ضلع صدر محمد سید اور ضلع کمیٹی کے رکن محمد سلطان کو پولس نے امرآباد منڈل ہیڈکوارٹر سے حراست میں لے لیا۔ بی آر ایس لیڈروں کو مولوگو ضلع ہیڈکوارٹر میں پہلے ہی گرفتار کرلیا۔ سیولال سینا کے ریاستی کنوینر بنوت نائک کو پولیس نے گرفتار کر لیا اور بھدرادری کوتہ گوڈم ضلع کے برگمپاڈ میں اسٹیشن لے جایا گیا۔ معلوم ہوا ہے کہ پولیس نے اشوک نگر، عثمانیہ اور دیگر یونیورسٹیوں، لائبریریوں، اسٹڈی سرکلس اور کئی مقامات پر اسٹڈی رومس میں بے روزگار قائدین کو گرفتار کرکے حراست میں لے لیا ہے۔ بتایا جاتا ہے کہ نظام آباد ضلع میں کئی طلبہ قائدین کو حراست میں لیا گیا ہے۔ اے آئی ایس ایف کے ریاستی صدر منی کانتھا ریڈی کو کریم نگر پولیس نے جمعرات کی رات حراست میں لیا تھا۔

 

اے آئی ایف کے ضلع صدر بوناگیری مہیندر اور سکریٹری یوگیندر کو بھی ون ٹاؤن اسٹیشن لے جایا گیا جہاں انہیں حراست میں لے لیا گیا۔ پولیس نے ناگرکرنول ضلع کے اچم پیٹ سے طلبہ یونین لیڈروں کو گرفتار کیا۔ انھیں سدا پور پولیس نے حاجی پور چوک سے گرفتار کیا اور اچم پیٹ پولیس اسٹیشن لے جایا گیا۔ بھدردری کوٹہ گوڈم ضلع میں، سیولال سینا کے ریاستی کنوینر حسین نائک سمیت 20 دیگر افراد کو پہلے سے گرفتار کیا گیا ۔ ونپرتی ٹاؤن پولیس نے ارجن کو ونپرتی ضلع کے پنگل منڈل کے کیتھی پلی سے اور ناگیش کو ناگرکرنول ضلع کے کولہاپور سے پہلے سے گرفتار کیا ہے۔ ورنگل ضلع انتظار گنج پولیس نے جمعرات کی رات بی جے وائی ایم کے کئی لیڈروں کو گرفتار کیا۔

 

عثمانیہ یونیورسٹی کے ساتھ ساتھ ریاست کی تمام یونیورسٹیوں میں بے روزگاروں کے احتجاج اور پرامن ریلیاں جاری ہیں۔ اضلاع وار پبلک لائبریریوں میں پلے کارڈز اور حکومت مخالف نعروں کے ساتھ احتجاج میں شدت پئدا کردی گئی ۔ کانگریس کے برطرف لیڈر بکا جڈسن اور فیکلٹی اشوک اپنے گھروں میں بھوک ہڑتال جاری رکھے ہوئے ہیں۔