پونے کے قریب ایک آبشار میں مسلم خاندان کے 5 افراد پانی میں بہہ گئے _ دل دہلا دینے والا واقعہ

ممبئی _ 30 جون ( اردولیکس ڈیسک) مہاراشٹر کے پونے کے لونا والا علاقے میں بھوشی ڈیم کے بیک واٹر کے پاس واقع آبشار میں مسلم خاندان کے 5 افراد پانی میں بہہ گئے جن میں ایک خاتون، دو  لڑکیاں اور ایک لڑکا شامل ہیں۔

اس واقعہ میں  40 سالہ خاتون، ایک 13 سالہ  لڑکی کی موت ہو گئی ان کی نعشوں کو برآمد کرلیا گیا یہ حادثہ اس وقت پیش آیا جب  یہ  خاندان آبشار کے پاس بارش سے لطف اندوز ہو رہا تھا جب وہ بھوشی ڈیم میں بہہ گئے ۔ بتایا جا رہا ہے کہ 4 تا 9 سال کی عمر کے تین بچے لاپتہ ہیں جن کی تلاش جاری ہے۔

یہ واقعہ اتوار کی دوپہر 1.30 بجے پیش آیا، جس کے بعد امدادی کارکن موقع پر پہنچ گئے۔ پونے رورل پولیس سپرنٹنڈنٹ پنکج دیشمکھ نے کہا کہ اس واقعہ میں دو 6 سالہ لڑکیاں اور ایک 4 سالہ لڑکا لاپتہ ہیں۔  یہ خاندان پونے کے سیدنگر سے تعلق رکھتا ہے اور اس خاندان کے ذمہ دار کی شناخت انصاری کی حیثیت سے ہوئی ہے۔ بتایا جاتا ہے کہ انصاری کے گھر والے تفریح کے لئے آئے تھے۔