مدھیہ پردیش میں انڈین ایئر فورس کے دو جنگی طیارے گر کر تباہ

حیدرآباد _ 28 جنوری ( اردولیکس ڈیسک) مدھیہ پردیش میں مورینا کے پہاڑ گڑھ علاقے میں آج صبح  ہندوستانی فضائیہ  آئی اے ایف کے دو جنگی طیارے گر کر تباہ ہو گئے۔ مورینا کے ایڈیشنل سپرنٹنڈنٹ آف پولیس رائے سنگھ نرواریہ نے بتایا کہ”طیارہ اور اس میں موجود لوگوں کی تعداد کے بارے میں تصدیق کرنے کے لیے فضائیہ کی ایک ٹیم موقع پر پہنچ رہی ہے۔ پولیس کو طیارے کے قریب ایک ہاتھ ملا۔

خبر رساں ایجنسی اے این آئی نے دفاعی ذرائع کے حوالے سے اطلاع دی ہے کہ حادثے میں ایک سکھوئی 30 اور میراج 2000 طیارے شامل تھے۔دونوں طیاروں نے مدھیہ پردیش کے گوالیار ایئر بیس سے اڑان بھری تھی جہاں مشق جاری تھی۔

آئی اے ایف کورٹ آف انکوائری اس بات کا تعین کرنے کے لیے کہ آیا ان طیاروں کا درمیانی فضائی تصادم ہوا تھا یا نہیں۔ حادثے کے وقت Su-30 میں دو پائلٹ تھے، جبکہ میراج 2000 میں ایک پائلٹ تھا۔ دفاعی ذرائع نے اے این آئی کو بتایا کہ ابتدائی رپورٹس بتاتی ہیں کہ دو پائلٹ محفوظ ہیں، جب کہ آئی اے ایف کا ایک ہیلی کاپٹر تیسرے پائلٹ کے مقام پر جلد ہی پہنچ جائے گا۔

مرکزی وزیر دفاع راج ناتھ سنگھ کو فضائیہ کے سربراہ نے ہندوستانی فضائیہ کے دو طیاروں کے حادثے کے بارے میں بریفنگ دی۔ وزیر دفاع نے آئی اے ایف کے پائلٹوں کی خیریت دریافت کی اور امدادی کارروائیوں کی نگرانی کر رہے ہیں

#planecrash मुरैना के कोलारस के पास वायुसेना के सुखोई-30 और मिराज-2000 विमानों के दुर्घटनाग्रस्त होने की खबर अत्यंत दुखद pic.twitter.com/ezT2LMtBQR

— Neeraj Chauhan (@chauhanrneeraj) January 28, 2023