عید میلاد النبی صلعم مبارک، صدر جمہوریہ ہند

نئی دہلی: صدر جمہوریہ ہند دروپدی مرمو نے مسلمانوں کو میلادالنبی صلعم کے موقع پر مبارکباد دی ہے۔ انھوں نے کہا کہ یہ دن پیغمبر اسلام حضرت محمد مصطفی صلی اللہ علیہ وسلم کے یوم ولادت کے طور پر منایا جاتا ہے۔

صدر جمہوریہ دروپدی مرمو نے اپنے پیغام میں کہا ہے کہ پیغمبر اسلام نے محبت اور اُخوت کے احساسات کو مضبوط کرنے کی ہرشخص کو تحریک دی ہے اور سماج میں برابری اور ہم آہنگی پر زور دیا ہے۔ آپ صلعم نے لوگوں کی حوصلہ افزائی کی ہے کہ وہ دوسروں کے تئیں ہمدردی برتیں اور انسانیت کی خدمت کریں۔

صدر جمہوریہ نے عوام سے زور دے کر کہا کہ وہ مقدس قرآن کی تعلیمات کو اپنے اندر ضم کریں اور ایک پُرامن سماج کی تعمیر کا عزم کریں۔