حکومت ہند نے حزب التحریر کو دہشت گرد تنظیم قرار دے دیا
نئی دہلی: مرکزی وزیر داخلہ امیت شاہ نے اعلان کیا کہ و زیر اعظم جناب نریندر مودی جی کی دہشت گردی کے خلاف صفر رواداری کی پالیسی پر عمل کرتے ہوئے وزارت داخلہ نے آج ‘حزب التحریر’ کو ‘دہشت گرد تنظیم’ قرار دیا۔ انھوں نے سوشل میڈیا پلیٹ فارم پر لکھا کہ یہ تنظیم دہشت گردی کی مختلف کارروائیوں میں ملوث ہے
بشمول نوجوانوں کو دہشت گرد تنظیموں میں شامل کرنے اور دہشت گردی کی سرگرمیوں کے لیے فنڈ اکٹھا کرنے، جس سے ہندوستان کی قومی سلامتی اور خودمختاری کو سنگین خطرہ لاحق ہے۔ مودی حکومت دہشت گردی کی طاقتوں سے آہنی مٹھی سے نمٹ کر ہندوستان کو محفوظ بنانے کے لیے پرعزم ہے۔ ایک گزٹ نوٹیفکیشن میں، وزارت داخلہ (ایم ایچ اے)نے حزب التحریر پر الزام لگایا کہ وہ مختلف سوشل میڈیا پلیٹ فارمز، محفوظ ایپس کا استعمال کرتے ہوئے اور نوجوانوں کو دہشت گردی کی کارروائیوں میں ملوث ہونے کی ترغیب دینے کے لیے ’داعوہ‘ میٹنگز کے ذریعہ دہشت گردی کو فروغ دے رہا ہے۔ایم ایچ اے نے مزید کہا حزب التحریر ایک ایسی تنظیم ہے جس کا مقصد ملک کے شہریوں کو شامل کرکے جہاد اور دہشت گردانہ سرگرمیوں کے ذریعے
جمہوری طور پر منتخب حکومتوں کا تختہ الٹ کر، ہندوستان سمیت عالمی سطح پر اسلامی ریاست اور خلافت قائم کرنا ہے، جو کہ جمہوری سیٹ اپ اور داخلی سلامتی کے لیے ایک سنگین خطرہ ہے۔
