گووندا ہاسپٹل سے ڈسچارج۔ غش کھا گر پڑے تھے،بے ہوشی کی حالت میں ہاسپٹل لایا گیا تھا

ممبئی: بالی وڈ کے معروف اداکار اور سابق رکن پارلیمنٹ گووندا کی طبیعت اچانک بگڑنے کے بعد انہیں ممبئی کے جوہو علاقے میں واقع کرٹیکئیر ہاسپٹل میں شریک کروایا گیا تھا جہاں سے علاج کے بعد انھیں ڈسچارج کردیا گیا۔ اطلاعات کے مطابق منگل کی شب 8 بجے کے قریب گووندا کو اچانک

 

 

چکر اور بے ہوشی جیسی کیفیت محسوس ہوئی جس کے بعد گھر والوں نے فوراً انہیں اسپتال پہنچایا۔ اسپتال ذرائع کے مطابق ہاسپٹل میں شریک کرواتے وقت اداکار کو ’ڈس اورینٹیشن‘ یعنی بے ہوشی اور ذہنی الجھن کی حالت میں لایا گیا تھا۔گووندا کے قریبی دوست اور قانونی مشیر لَلِت بندل نے میڈیا سے بات چیت کے دوران اس خبر کی تصدیق کی۔

 

 

61 سالہ گووندا کے بارے میں ڈاکٹروں کا کہنا ہے کہ ان کی وائیٹلز نارمل ہیں اور انہیں مکمل آرام کی ہدایت دی گئی ہے۔ ہاسپٹل کے ذرائع کے مطابق ان کے بلڈ پریشر، شوگر اور دیگر ٹیسٹ بھی لیے گئے ہیں تاکہ بے ہوشی کی اصل وجہ کا پتہ لگایا جا سکے۔ ارکان خاندان کے مطابق اداکار کو کسی بڑی جسمانی تکلیف کی شکایت نہیں تھی لیکن اچانک چکر آنے کے

 

 

بعد وہ فرش پر گر گئے تھے۔یہ پہلا موقع نہیں جب اداکار کو صحت سے متعلق دشواری پیش آئی ہو۔ تقریباً ایک سال قبل گووندا اپنے ہی گھر میں ایک حادثے کا شکار ہوئے تھے جب وہ اپنی لائسنس یافتہ پستول صاف کر رہے تھے۔ اس دوران غلطی سے گولی چل گئی جو ان کے بائیں گھٹنے میں لگی۔ اس واقعے میں وہ زخمی ہوئے تھے اور ان کی فوری سرجری کی گئی تھی۔ بعد ازاں وہ مکمل طور پر صحتیاب ہو گئے

 

 

تھے۔گووندا کی بیٹی ٹینا آہوجا نے اس واقعے کے وقت بتایا تھا کہ انہوں نے اپنے والد کو خود اسپتال پہنچایا تھا اور آپریشن کے دوران ان کے گھٹنے سے گولی نکالی گئی تھی۔ اس حادثے کے بعد سوشل

 

 

میڈیا پر ان کے مداحوں نے ان کی جلد صحت یابی کے لیے بڑی تعداد میں دعائیں کی تھیں۔