حجاب ویڈیو پر سیاسی طوفان – سماج وادی پارٹی لیڈر سمیعہ رانا کی جانب سے پولیس میں شکایت، بہار کے چیف منسٹر گھیرے میں

لکھنؤ  – 17 دسمبر ( اردولیکس ڈیسک) اترپردیش کے لکھنؤ کے قیصر باغ پولیس اسٹیشن میں ایک وائرل حجاب ویڈیو کے معاملے پر بہار کے چیف منسٹر اور اترپردیش کابینہ کے وزیر سنجے نشاد کے خلاف شکایت دائر کی گئی ہے۔

 

اس ویڈیو کے سامنے آنے کے بعد مختلف سیاسی جماعتوں کے قائدین نے شدید ردعمل ظاہر کیا اور واقعہ کو نامناسب و توہین آمیز قرار دیا۔

 

یہ شکایت سماج وادی پارٹی کی لیڈر سمعیہ رانا نے اپنے وکلاء کے ہمراہ درج کرائی، جس میں ایف آئی آر کے اندراج اور سخت قانونی کارروائی کا مطالبہ کیا گیا ہے۔ شکایت کے مطابق ایک سرکاری تقریب کے دوران، جہاں نو منتخب آیوش ڈاکٹروں کو تقرر نامے تقسیم کئے جا رہے تھے، وائرل ویڈیو میں ایک مسلم خاتون کے حجاب کے ساتھ مبینہ طور پر ناروا سلوک دکھائی دیتا ہے۔

 

سمعیہ رانا نے اے این آئی سے بات کرتے ہوئے کہا کہ اس طرح کا عمل ایک خطرناک مثال قائم کرتا ہے۔ ان کے مطابق آئینی عہدے پر فائز شخص کا ایسا برتاؤ نہ صرف قابلِ اعتراض ہے بلکہ اس سے دوسروں کو بھی اسی طرزِ عمل کی ترغیب ملتی ہے

 

۔ واقعہ کے بعد سیاسی حلقوں میں سخت مذمت کی جا رہی ہے اور قانونی کارروائی کا مطالبہ زور پکڑتا جا رہا ہے۔

.