ریلوے ٹکٹ پر 20 فیصد ڈسکاؤنٹ جانیں کیسے؟
نئی دہلی ۔ تہواروں کا موسم شروع ہو چکا ہے اور عام طور پر لوگ ان دنوں اپنے آبائی علاقوں کو جانے کے لیے ریلوے سفر کو ترجیح دیتے ہیں۔ ایسے وقت میں مسافروں کو خوشگوار ریلوے تجربہ فراہم کرنے کے مقصد سے انڈین ریلوے (Indian Railways) نے ایک بمپَر آفر کا اعلان کیا ہے۔
ریلوے نے "راؤنڈ ٹرِپ پیکیج” کے نام سے ایک نئی اسکیم متعارف کروائی ہے، جس کے تحت واپسی کے ٹکٹ پر 20 فیصد رعایت دی جائے گی۔ اس بات کی تصدیق ریلوے محکمے نے ایک سرکاری بیان میں کی ہے۔
حکام نے بتایا کہ تہواروں کے موقع پر ہونے والے اچانک ہجوم کو کم کرنے اور ایڈوانس ریزرویشن کی حوصلہ افزائی کے لیے یہ فیصلہ کیا گیا ہے۔ یہ اسکیم دونوں طرف کے سفر (آنے اور جانے) کے لیے ٹکٹ بُک کرنے والوں کے لیے فائدہ مند ہوگی۔
ریلوے حکام نے واضح کیا کہ صرف واپسی کا ٹکٹ ایک ساتھ بک کروانے پر ہی یہ رعایت دی جائے گی اور یہ رعایت مسافر کی جانب سے دی گئی معلومات کی بنیاد پر فراہم کی جائے گی۔
