اداکارہ ہما قریشی کے بھائی آصف قریشی کا معمولی مسلہ پر پڑوسیوں کے ہاتھوں قتل

اداکارہ ہما قریشی کے بھائی آصف قریشی کو دہلی کے نظام الدین علاقے میں پارکنگ کے تنازعہ پر رات دیر  گئے جھگڑے کے دوران قتل کر دیا گیا۔ پولیس کے مطابق دونوں ملزمین کو گرفتار کر کے قتل میں استعمال ہونے والا ہتھیار بھی برآمد کر لیا گیا ہے۔

 

یہ واقعہ جمعرات کی رات تقریباً 10 بجے پیش آیا جب آصف قریشی نے دو افراد سے درخواست کی کہ وہ اپنا اسکوٹر ان کے گھر کے مرکزی دروازے کے سامنے سے ہٹا دیں۔ زبانی تلخ کلامی کے بعد دونوں وہاں سے چلے گئے لیکن دھمکی دی کہ واپس آئیں گے۔

 

آصف کی اہلیہ شاہین قریشی نے بتایا کہ چند منٹ بعد وہ شخص اپنے بھائی کے ساتھ واپس آیا اور تیز دھار ہتھیار سے آصف پر حملہ کر دیا۔ "میں نے اپنے دیور جاوید کو فون کیا لیکن اس وقت تک آصف بہت زیادہ خون بہا چکے تھے اور  ان کی موت ہوگئی

 

آصف کو فوری طور پر مشرقی کیلاش کے نیشنل ہارٹ انسٹی ٹیوٹ لے جایا گیا جہاں ڈاکٹروں نے انہیں مردہ قرار دے دیا۔ شاہین کا کہنا تھا کہ ڈاکٹروں نے بتایا کہ ان کی موت کو ڈیڑھ گھنٹہ گزر چکا تھا۔ ان کا یہ بھی دعویٰ تھا کہ ملزمین اس سے پہلے بھی ان کے شوہر کو جان سے مارنے کی کوشش کر چکے تھے۔

 

آصف کے چچا اور ہما قریشی کے والد سلیم قریشی نے کہا کہ دو آدمیوں نے گھر کے سامنے اسکوٹر کھڑا کیا، آصف نے کہا اسے ہٹا دیں تاکہ دروازہ بند نہ ہو، مگر دونوں نے مل کر میرے بھتیجے کو قتل کر دیا۔42 سالہ آصف قریشی مرغی کا کاروبار کرتے تھے۔