ماؤ نوازوں کا بڑا اعلان – یکم جنوری کو اجتماعی طور پر ہتھیار ڈالنے کا فیصلہ

ماؤ نواز تنظیم ایم ایم سی (مہاراشٹر–مدھیہ پردیش–چھتیس گڑھ) زون کے نمائندے اننت نے ایک اہم خط جاری کرتے ہوئے اعلان کیا ہے کہ یکم جنوری کو تمام ماؤ نواز کارکن اجتماعی طور پر ہتھیار ڈال دیں گے

۔ خط میں واضح کیا گیا کہ اب کوئی فرد واحد سرنڈر نہیں کرے گا بلکہ سب ایک ساتھ حکومت کے سامنے ہتھیار رکھیں گے۔ ماؤ نواز اعلیٰ لیڈروں ملّوجولا اور آشنّا کے ممکنہ سرنڈر اور ہِڈما کی انکاؤنٹر پارٹی کے کمزور پڑنے کے بعد تنظیم کی طاقت گھٹ گئی ہے، اسی پس منظر میں مرکز کی باقی اراکین کو بھی ہتھیار ڈالنے کی اپیل پر یہ فیصلہ کیا گیا ہے۔

ماؤں نوازوں نے کہا ہے کہ یکم جنوری 2026 سے وہ مسلح جدوجہد مکمل طور پر ختم کردیں گے، اپنے ہتھیار سرکاری حکام کے حوالے کریں گے اور حکومت کے بحالی پروگرام کو قبول کریں گے۔ انہوں نے یہ بھی کہا کہ وہ اس ریاست میں سرنڈر کرنے کو تیار ہیں جو انہیں قبول کرے۔

ساتھ ہی مہاراشٹر، مدھیہ پردیش اور چھتیس گڑھ کی حکومتوں سے اپیل کی گئی ہے کہ تمام افراد کے سرنڈر ہونے تک صبر و تحمل سے کام لیا جائے۔ قابل ذکر ہے کہ گزشتہ ہفتے بھی ماؤ نوازوں نے ایک خط میں حکومت سے درخواست کی تھی کہ انہیں عام زندگی میں واپس آنے کے لیے کچھ وقت دیا جائے۔