پوری کشمیر وادی میں سیکیورٹی بڑھا دی گئی

نئی دہلی ۔ جموں و کشمیر کے پہلگام میں دہشت گردوں کے حملوں میں کئی سیاحوں کی ہلاکت کے بعد پوری کشمیر وادی میں سیکیورٹی بڑھا دی گئی ہے۔ یہ واقعہ جنوبی کشمیر کے اننت ناگ ضلع میں سری نگر سے کوئی 85 کلومیٹر دور پیش آیا۔

 

فوج، CRPF اور جموں و کشمیر پولیس خطہ میں تلاشی مہم مشترکہ طور پر چلا رہی ہیں۔ حملہ آوروں کا پتہ لگانے کے لیے خصوصی فورسز، Sniffer Dogs اور دیگر تکنیکی انٹیلی جینس وسائل کو بروئے کار لایا گیا ہے۔

 

شمالی فوج کے کمانڈر لیٹفننٹ جنرل MV Suchendra Kumar کو آج وادی میں سیکیورٹی کی موجودہ صورتحال کے بارے میں سری نگر میں مقامی کمانڈرس جانکاری فراہم کریں گے۔

 

سری نگر اور گُلمرگ اور سون مرگ جیسے دیگر سیاحتی مقامات پر جانچ تیز کردی گئی ہے۔ اعلیٰ سیکیورٹی ذرائع نے بتایا ہے کہ ہلاک ہونے والوں کی حتمی تعداد ابھی مرتب کی جا رہی ہے کیونکہ بچاؤ اور شناخت کا عمل جاری ہے۔

 

جموں و کشمیر سرکار نے سری نگر اور اننت ناگ میں سیاحوں کے لیے دن رات کام کرنے والی ایمرجنسی ہیلپ ڈیسک قائم کی ہے۔سری نگر میں ایمرجنسی کنٹرول روم کا نمبر ہے:صفر ایک نو چار – دو چار پانچ – سات پانچ – چار تین

اور

صفر ایک نو چار – دو چار آٹھ – تین چھ- پانچ ایک۔

ضلع انتظامیہ انننت ناگ کی کنٹرول روم ہیلپ لائن کا نمبر ہے:صفر ایک نو تین – دو دو – دو دو – تین تین ساتایک اور نمبر ہے:نو چھ نو – سات نو آٹھ – دو پانچ دو سات